تاۋەلسىزدىكتىڭ 30 جىلدىعى • 23 ماۋسىم، 2021

بيىلعى «قازاقستان بارىسى» ءتۋرنيرىنىڭ جەڭىمپازى 25 ملن. تەڭگە الادى

70 رەت كورسەتىلدى

Qazaqkuresi قاۋىمداستىعىنىڭ سپورتتى دامىتۋ جونىندەگى ديرەكتورى باقداۋلەت سابيتوۆ ورتالىق كوممۋنيكاتسيالار قىزمەتىندە بريفينگ وتكىزدى، دەپ حابارلايدى Egemen.kz.

ونىڭ ايتۋىنشا، وسى جىلدار اراسىندا جوباعا اۋىل، اۋدان، وبلىس دەڭگەيىندە 100 مىڭنان استام بالۋان قاتىسقان. ءار جىلى ءتۋرنيردى 9 مىڭنان استام جانكۇيەر، 8 ملن استام  كورەرمەن تاماشالايدى. 

«جوبا اياسىندا قازاق كۇرەسىنە، سپورتشىلارعا دەگەن مەملەكەتتىك قولداۋ جوعارى دەڭگەيدە كورسەتىلەدى. بالۋاندارعا اقشالاي سىيلىقتار، التىن بەلبەۋ، كولىكتەر تابىستالدى. حالىق قولداۋىنا يە بولعان جوبانى 2015 جىلى ەلباسى ن.ءا.نازارباەۆ كەلىپ تاماشالاپ، بالۋانداردى ماراپاتتاعان بولاتىن. ال،  2019 جىلى قر پرەزيدەنتى ق.ك.توقاەۆ مىرزا قاتىسىپ، ۇلتتىق كۇرەسكە ۇلكەن قولداۋ ءبىلدىردى. «قازاقستان بارىسى» ءتۋرنيرىن كەڭىنەن ناسيحاتتاۋ ناتيجەسىندە ۇلتتىق كۇرەسكە قىزىعۋشىلار قاتارى ءوسىپ كەلەدى. مادەنيەت جانە سپورت مينيسترلىگىنىڭ رەسمي ستاتيستيكاسىنا سايكەس، قازىرگى تاڭدا ەلىمىزدە 130 مىڭنان استام ادام قازاق كۇرەسىمەن اينالىسادى. بۇل جەكپە-جەك سپورت تۇرلەرىندەگى ەڭ جوعارى ناتيجە. بۇل دا ۇلكەن جۇمىستىڭ ناتيجەسى»، دەدى ب.ءسابيتوۆ. 

بيىلعى مەرەيلى ونىنشى تۋرنير ەل تاۋەلسىزدىگىنىڭ 30 جىلدىعى مەن قاجىمۇقان مۇڭايتپاس ۇلىنىڭ 150 جىلدىق مەرەيتويىنا ارنالىپ وتىر. ىرىكتەۋدەن وتكەن 37 بالۋان تەرەڭدەتىلگەن مەديتسينالىق تەكسەرۋدەن ءوتىپ، دوپينگ سىناماسىن تاپسىردى. 

بيىل تۋرنير Qazaq kuresi اسسوتسياتسياسى بەكىتكەن ەرەجەگە سايكەس وتكىزىلەدى. قازاق كۇرەسىنىڭ ديناميكاسىن ارتتىرۋ ماقساتىندا بەلدەسۋ ۋاقىتى قىسقارتىلدى. بۇل وزگەرىستەر وسى جىل كولەمىندە قر چەمپيوناتتارىندا سىناقتان وتكىزىلىپ، وڭ ناتيجەلەر كورسەتتى.

سونداي-اق سپيكەر اتاپ وتكەندەي،  اسسوتسياتسيانىڭ باستاماسىمەن قازاق كۇرەسىنىڭ جاڭا، زاماناۋي، مەنشىكتى بوزكىلەمى قولدانىسقا ەندى، وندا بالۋاندار جالاڭ اياق كۇرەسەتىن بولادى.  

جەڭىمپاز اتانعان بالۋانعا ءداستۇرلى التىن بەلبەۋ مەن التىننان قۇيىلعان اۋىسپالى «تايتۇياق» تابىستالادى. ەكىنشى جانە ءۇشىنشى ورىن يەگەرلەرى سايكەسىنشە كۇمىس جانە قولا بەلبەۋلەرمەن ماراپاتتالادى. قارجىلاي جۇلدەلەر: ءى ورىن - 25 000 000، ءىى ورىن - 5 500 000، ءىىى ورىن - 1 800 000 تەڭگە.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ۇقساس جاڭالىقتار