ونىڭ ايتۋىنشا, جالپى, 700 مىڭعا جۋىق سالىق تولەۋشى 1 ترلن تەڭگەگە مەملەكەتتىك قولداۋ شارالارىمەن قامتىلعان. بۇل سالىق تولەۋشىلەرگە ءوز قىزمەتىن ساقتاپ قالۋعا مۇمكىندىك بەردى. ونى سالىق تۇسىمدەرىنەن كورۋگە بولادى.
«وتكەن جىلى كورونوۆيرۋس پاندەمياسىنا بايلانىستى بيزنەستى سالىقتىق قولداۋ شارالارى قابىلدانعان بولاتىن. وسى جىلى ءبىز وسى باعىتتا جانە جالپى سالىق سالۋ سالاسىن جەتىلدىرۋ بويىنشا جۇمىستاردى جالعاستىردىق. بىلتىر توتەنشە جاعداي كەزىندە شاعىن جانە ورتا بيزنەستىڭ بارلىق سۋبەكتىلەرى ءۇشىن سالىقتار جانە الەۋمەتتىك تولەمدەردى تولەۋ شەگەرىلدى. ەكونوميكانىڭ ەڭ ءالسىز سەكتورلارى 2020 جىلدىڭ اياعىنا دەيىن م ۇلىك سالىعىنان بوساتىلدى. الەۋمەتتىك ماڭىزى بار ازىق-ت ۇلىك تاۋارلارىنا 2020 جىلدىڭ 1 قازانىنا دەيىن قوسىلعان قۇن سالىعىنىڭ مولشەرلەمەسى 12% دان 8%-عا دەيىن تومەندەتىلدى», دەدى سپيكەر.
سونىمەن قاتار, ەكونوميكانىڭ ەڭ كوپ زارداپ شەككەن 29 سەكتورىندا 2020 جىلدىڭ 1 قازانىنا دەيىن سالىقتار جانە الەۋمەتتىك تولەمدەردىڭ نولدىك مولشەرلەمەسى بەلگىلەنگەن.
