تاياۋدا تسەلينوگراد اۋدانىندا ءتامام جۇرتتى ءتانتى ەتكەن كورمە ۇيىمداستىرىلدى. سان عاسىر بويى جالعاسىن تاۋىپ, كۇنى بۇگىنگە دەيىن ۇزىلمەي كەلە جاتقان تىلسىم ونەردىڭ تىنىسى سوڭعى جىلدارى قايتا اشىلعانداي. انشەيىن تاعىلىمدى دۇنيەنى تاماشالاۋشىلار عانا ەمەس, ءوز قولىمەن, بار زەيىنىن سالىپ, شەبەرلىگىن سارقا جۇمساپ, اتا مۇراسىن ارداقتايتىندار قاتارى كوبەيىپ كەلەدى. كوزتارتارلىق, ادەمى ەتىپ جاسالعان قاي بۇيىمعا قاراساڭ دا, ارىداعى جۇرتتىڭ قولىنان كوپ نارسەنىڭ كەلگەندىگىنە رازى بولار ەدىڭىز. ارقيلى ءمۇسىن, كوشپەلى جۇرت قولدانعان باعالى بۇيىمدار كوزدىڭ جاۋىن الادى.
ءىس-شارا ۇلتتىق ونەردى دامىتۋمەن قاتار, جاس ۇرپاقتى پاتريوتيزمگە تاربيەلەۋ ءۇشىن دە قاجەتتى. كورمەگە قويىلعان تەرى, كيىز, اعاشتان جاسالعان تۇرمىستىق زاتتار حالقىمىزدىڭ اسا باي مادەنيەتىن ايعاقتايتىن جادىگەرلەر ىسپەتتى.
قازىلار القاسى بارلىق جۇمىستى ساراپتاي كەلە, قوسشى اۋىلىنىڭ تۇرعىنى, بەلگىلى شەبەر اسحات بوزىمبايدى جۇزدەن جۇيرىك دەپ تانىدى. كوز مايىن تاۋىسىپ, حالىق قازىناسىنا ۇلەس قوسقان قاتىسۋشىلاردىڭ بارلىعى باعالى سىيلىقتارمەن ماراپاتتالدى.
