الەم • 22 ماۋسىم، 2021

ازەربايجاندا قىزمەتكەرلەردەن كوروناۆيرۋس پاسپورتى تالاپ ەتىلمەك

14 رەت كورسەتىلدى

ازەربايجاننىڭ مينيسترلەر كابينەتى جانىنداعى جەدەل شتاب «ەرەكشە كارانتيندىك رەجيمدى ۇزارتۋ جانە كەيبىر شەكتەۋلەردى الىپ تاستاۋ جونىندەگى شارالار تۋرالى» قاۋلىعا ءتيىستى وزگەرىستەر ەنگىزدى، دەپ حابارلايدى Egemen.kz.

وزگەرىستەرگە سايكەس، 2021 جىلدىڭ 1 شىلدەسىنەن باستاپ COVID-پاسپورتتارى بار دەگەن تالاپ قويىلعان ەڭبەك جانە قىزمەت كورسەتۋ قىزمەتكەرلەرىنىڭ كەم دەگەندە 80%-دا COVID-19-دان العاشقى دوزادا ۆاكتسينا الۋى نەمەسە COVID-19-عا قارسى يممۋنيتەت تۋرالى سەرتيفيكاتى، سونىمەن قاتار 2021 جىلدىڭ 1 تامىزىنان باستاپ COVID پاسپورتى بولۋى كەرەك.

1 شىلدەدەن باستاپ ازەربايجاندا 150-دەن اسپايتىن ادامنىڭ قاتىسۋىمەن توي، تۋعان كۇندەر وتكىزۋگە بولادى. مەرەكەلىك ءىس-شارالاردى وتكىزۋدىڭ نەگىزگى شارتى – 18 جاستان اسقان بارلىق قوناقتا COVID-19-پاسپورتىنىڭ بولۋى. قىزمەت كورسەتەتىن پەرسونالدىڭ (مۋزىكانتتاردان باسقا) مەديتسينالىق ماسكالاردى، قولعاپتاردى جانە باسقا دا جەكە قورعانىس قۇرالدارىن مەرەكەلىك راسىمدە قولدانۋى مىندەتتى.

ەلدىڭ مينيسترلەر كابينەتىندە اتاپ وتكەندەي، بۇل قادامدار سوڭعى ايلاردا COVID-19 جۇقتىرۋ جاعدايلارىنىڭ ازايۋىنا جانە جالپى ەپيدەميولوگيالىق جاعدايدىڭ وڭ جاققا وزگەرۋىنە بايلانىستى.

ۆەدومستۆو ۆاكتسينالاۋ پروتسەسىن تابىستى جۇرگىزۋ ەرەكشە كارانتين رەجيمى اياسىندا ەنگىزىلگەن بىرقاتار شەكتەۋلەردى الىپ تاستاۋعا قوسىمشا مۇمكىندىكتەر بەرەتىنىن ايتتى. ەستەرىڭىزگە سالا كەتەيىك، سوڭعى تاۋلىكتە ازەربايجاندا كوروناۆيرۋس ينفەكتسياسىن جۇقتىرۋدىڭ 28 جاعدايى، ءولىمنىڭ 1 جاعدايى انىقتالدى.

 

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار