گۇلزات كوبەنوۆا 1978 جىلى اقتوبە وبلىسىندا دۇنيەگە كەلگەن. ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن, ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن تامامداعان.
ەڭبەك جولىن 1998 جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىنىڭ تاريح كافەدراسىنىڭ وقىتۋشىسى بولىپ باستاعان.
2002-2009 جىلدارى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىندە جانە اقتوبە پەداگوگيكالىق ينستيتۋتىندا باسشىلىق قىزمەتتەردى اتقاردى.
2009 جىلدان باستاپ 2010 جىلعا دەيىن — قر مادەنيەت جانە اقپارات مينيسترلىگىنىڭ اقپارات جانە مۇراعات كوميتەتىنىڭ اقپارات باسقارماسىنىڭ ساراپشىسى, باسشىسى قىزمەتتەرىن اتقاردى.
2010 جىلدان باستاپ 2018 جىلعا دەيىن قر ءبىلىم جانە عىلىم مينيسترلىگىندە باسشىلىق لاۋازىمداردا جۇمىس ىستەدى.
2018-2019 جىلدارى — قر تۇڭعىش پرەزيدەنتى – ەلباسى ن. نازارباەۆ كىتاپحاناسى ديرەكتورىنىڭ ورىنباسارى. 2019 جىلعى قاڭتار-قىركۇيەك ارالىعىندا قر پرەزيدەنتى كەڭسەسىنىڭ سەكتور مەڭگەرۋشىسى جانە ينسپەكتورى لاۋازىمدارىن اتقاردى.
2019 جىلعى قىركۇيەكتەن باستاپ 2020 جىلعى قاڭتارعا دەيىن — قر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتورايىمى.
2020 جىلعى قاڭتاردان باستاپ قازىرگە دەيىن قر بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ توراعاسى بولىپ جۇمىس ىستەدى.
