1 قاڭتار مەن 19 ماۋسىم ارالىعىندا كارانتين تالاپتارىنىڭ ساقتالۋىن باقىلايتىن مونيتورينگ توپتارى 107 358 رەيد جۇرگىزىپ, 655 859 نىساندى تەكسەردى.
17 مىڭنان استام كاسىپكەرلىك نىسانى شەكتەۋ تالاپتارىن بۇزعان.
كارانتين رەجيمىن بۇزعان كاسىپكەرلىك نىساندارىنىڭ باسىم بولىگى شىعىس قازاقستان, تۇركىستان جانە الماتى وبلىستارىندا, سونداي-اق الماتى جانە شىمكەنت قالالارىندا ورنالاسقان.
مونيتورينگ بارىسىندا كارانتين كەزىندە قىزمەتىنە تىيىم سالىنعان نىسانداردىڭ جۇمىس ىستەيتىنى, جۇمىس كەستەسىنە قويىلاتىن شەكتەۋلەردىڭ ساقتالمايتىنى, بۇقارالىق شارالاردىڭ ۇيىمداستىرىلاتىنى انىقتالدى.
تەكسەرۋ جۇمىستارىنىڭ ناتيجەسى بويىنشا 315 ءىس سوتقا جىبەرلىپ, 84 نىساننىڭ قىزمەتى ۋاقىتشا توقتاتىلدى.
كارانتين تالاپتارىن بۇزعانى ءۇشىن 9,9 مىڭ شاعىن جانە ورتا بيزنەس يەسى, 7,1 مىڭ جەكە تۇلعا اكىمشىلىك جاۋاپكەرشىلىككە تارتىلدى.
سالىنعان ايىپپۇلدىڭ جالپى سوماسى 1,3 ملرد تەڭگەدەن اسادى.
