وقيعا • 22 ماۋسىم، 2021

تۇركىستان وبلىسىندا تاۋدا جوعالعان جەتىنشى ءتۋريستىڭ دەنەسى تابىلدى

43 رەت كورسەتىلدى

تۇركىستان وبلىسىنىڭ تولەبي اۋدانىنا قاراستى «سايرام-وگەم» شاتقالىندا تاعى ءبىر ادامنىڭ ءمايىتى تابىلدى، دەپ حابارلايدى Egemen.kz.

22 ماۋسىم ساعات 11.50 كەزىندە شىمكەنت قالاسى تجد جەدەل-قۇتقارۋ جاساعىنىڭ قۇتقارۋشىلارى ءمايىتتى ايعىرجىققان جانە وگەم وزەندەرىنىڭ توعىسقان جەرىنەن ەكى شاقىرىم جوعارىدا سۋ تۇبىنەن تاپقان.

بۇل تۋرالى توتەنشە جاعدايلار مينيسترلىگىنىڭ رەسمي وكىلى تالعات ءۋالي مالىمدەدى. مۇردەنى تاسىمالداۋ ءۇشىن «قازاۆياقۇتقارۋ» اق تىكۇشاعى وقيعا ورنىنا بارا جاتىر.

تابىلعان ءمايىت ساراپتاما جاسالۋ ءۇشىن پوليتسيا قىزمەتكەرلەرىنە تابىستالادى.

ىزدەستىرۋ جۇمىستارى 8 باعىت بويىنشا جۇرگىزىلدى.

وعان 107 ادام، 17 تەحنيكا، 3 كۆادروكوپتەر، 4 كينولوگيالىق ەسەپ پەن 1 تىكۇشاق جۇمىلدىرىلدى. ەستەرىڭىزگە سالا كەتەيىك، 25 مامىر كۇنى ساعات 18.30-دا «112» پۋلتىنە جەتى ءتۋريستىڭ جوعالىپ كەتكەنى تۋرالى حابارلاما كەلىپ تۇسكەن.

ىزدەۋ جۇمىسى 27 تاۋلىك بويى جالعاستى. بۇعان دەيىن 3 تۋريست قۇتقارىلسا، تاعى ءۇش ءتۋريستىڭ ءمايىتى تابىلعان بولاتىن. تجم بارشا ازاماتتارعا تاۋلى جەرلەردە قاۋىپسىزدىك شارالارىن قاتاڭ ساقتاپ، دايىندىقسىز تاۋعا شىقپاۋعا شاقىرادى.

ەسكە سالساق، 21 مامىر كۇنى تۇركىستان وبلىسىنىڭ «سارى ايعىر» شاتقالىنا جاياۋ بەت العان 7 تۋريست جوعالىپ كەتتى. 24 مامىردا ولار كەرى قايتۋى كەرەك بولاتىن.

25 مامىردا جاستاردىڭ جوعالعانى تۋرالى «112» پۋلتىنە حابار بەرىلگەن. 28 مامىردا 7 ادامنىڭ 3-ەۋى تابىلىپ، قۇتقارىلدى.

ال 29 مامىر كۇنى ەكى ءتۋريستىڭ دەنەسى تابىلدى. تجم رەسمي وكىلى تالعات ءۋالي قالعان ەكى ادامدى ىزدەۋ جۇمىسى جالعاسىپ جاتقانىن ءمالىم ەتكەن بولاتىن.

12 ماۋسىم كۇنى ماقپالساي شاتقالىنان التىنشى ءتۋريستىڭ دەنەسى تابىلدى.

 

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار