شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى 20 ماۋسىم كۇنى ساعات 23.00 شاماسىندا وسكەمەننەن سەمەيگە شىعا بەرىس جولدا بولعان.
«ۆاز-212014» اۆتوكولىگىنىڭ 20 جاستاعى جۇرگىزۋشىسى نۇرلى كوش اۋىلىنىڭ ماڭىندا 38 جاستاعى ازاماتتى قاعىپ كەتتى. جاياۋ جۇرگىنشى العان جاراقاتتارىنان سول جەردە كوز جۇمدى.
اتالعان فاكتى بويىنشا قر قىلمىستىق كودەكسىنىڭ 345-بابىنا (ابايسىزدا ادام ولىمىنە اكەپ سوقتىراتىن جول قوزعالىسى ەرەجەلەرىن بۇزۋ) سايكەس سوتقا دەيىنگى تەرگەۋ امالدارى باستالدى», دەپ حابارلادى ۆەدومستۆو وكىلدەرى.
قازىرگى ۋاقىتتا بىرقاتار سوت-مەديتسينالىق ساراپتاما تاعايىندالعان. سونىڭ ناتيجەلەرى بويىنشا پروتسەسسۋالدىق شەشىم قابىلدانادى.
