زاڭ جوباسى قاشىقتان جۇمىس ىستەۋ ءتۇرىن قۇقىقتىق رەتتەۋگە باعىتتالعان. وسى قۇجاتتى قابىلداعاننان كەيىن قىزمەتكەرلەر جۇمىس بەرۋشىمەن كەلىسىم بويىنشا قاشىقتان جۇمىس ىستەي الادى. جۇمىس بەرۋشى قاشىقتان جۇمىس ىستەۋدى نەمەسە ارالاس قاشىقتان جۇمىس ىستەۋدى توتەنشە نەمەسە سوعىس جاعدايى ەنگىزىلگەن, توتەنشە جاعداي, كارانتين جاريالانعان كەزەڭدە جانە باسقا دا جاعدايلاردا ۋاقىتشا بەلگىلەۋگە قۇقىلى.
قىزمەتكەرلەردىڭ ەڭبەك قۇقىقتارىن قورعاۋ – زاڭ جوباسىنىڭ نەگىزگى مىندەتتەرىنىڭ ءبىرى. اتاپ ايتقاندا, جۇمىس بەرۋشى قاشىقتان جۇمىس ىستەيتىن قىزمەتكەرلەرىن قاجەتتى جابدىقتارمەن, اقپاراتتاندىرۋ وبەكتىلەرىمەن, بايلانىس قىزمەتتەرىمەن جانە باسقا قۇرالدارمەن قامتاماسىز ەتۋگە مىندەتتى دەپ جازىلعان. ال قاشىقتان جۇمىس ىستەۋ كەزىندەگى جالاقى ەڭبەك شارتىندا كورسەتىلگەن جۇمىس كولەمىن ورىنداۋ كەزىندە تولىق مولشەردە تولەنۋى كەرەك.
