قازاقستان • 22 ماۋسىم، 2021

ا. مامين ەلوردادا سانيتارلىق-ەپيدەميولوگيالىق تالاپتاردى كۇشەيتۋدى تاپسىردى

8 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق جاعداي قارالدى، دەپ حابارلايدى Egemen.kz.

دەنساۋلىق ساقتاۋ ءمينيسترى الەكسەي تسوي حالىقتى ۆاكتسينالاۋ بارىسى مەن قازىرگى جاعداي تۋرالى باياندادى.

قازاقستانداعى سانيتارلىق-ەپيدەميولوگيالىق جاعداي تۇراقتى جانە باقىلاۋعا الىنعان. ۆيرۋستىڭ رەپرودۋكتيۆتىك يندەكسى 1 قۇرايدى، ينفەكتسيالىق توسەك ورىندار 25%، رەانيماتسيالىق توسەك ورىندارى 21% تولى.

نۇر-سۇلتان قالاسى ءالى دە «قىزىل ايماقتا» تۇر، «سارى ايماقتا» 5 ءوڭىر: الماتى جانە شىمكەنت قالالارى، اتىراۋ، باتىس قازاقستان جانە قاراعاندى وبلىستارى ورنالاسقان. قالعان 11 ءوڭىر – «جاسىل ايماقتا».

بۇگىنگى تاڭدا 2،8 ملن-نان استام ادام ءبىرىنشى كومپونەنتتى، 1،7 ملن-نان استامى ەكىنشى كومپونەنتتى الدى.

پرەمەر-مينيستر ەلوردادا كوروناۆيرۋستىڭ ۇندىلىك «دەلتا» شتامىنا ءتان مۋتاتسيانىڭ ىقتيمالدىعى انىقتالىپ وتقانىن، ونىڭ تارالۋ جىلدامدىعى وتە جوعارى، جىلدام ءورشيتىنىن جانە سالدارى اناعۇرلىم اۋىر ەكەنىن اتاپ ءوتتى. 

ۇكىمەت باسشىسى سانيتارلىق-ەپيدەميولوگيالىق جاعدايدى باقىلاۋدا ۇستاۋدى، ۆەدومستۆوارالىق كوميسسياعا ەلورداداعى سانيتارلىق-ەپيدەميولوگيالىق تالاپتاردى كۇشەيتۋ بويىنشا قوسىمشا شارالار قابىلداۋدى تاپسىردى.

«جالپى، قازاقستانداعى جاعداي تۇراقتى بولعانىنا قاراماستان، كورشى مەملەكەتتەردەگى جاعداي ناشارلاي تۇسۋدە. سوندىقتان مەملەكەتتىك شەكارادا باقىلاۋدى كۇشەيتۋ كەرەك، سونداي-اق سانيتارلىق-ەپيدەميولوگيالىق نورمالاردى قاتاڭ ساقتاۋعا جانە ۆاكتسينالاۋ قارقىنىن ارتتىرۋعا ەرەكشە نازار اۋدارۋ قاجەت»،  دەدى ا. مامين.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار