«قازاقستاندا 22 ماۋسىمعا دەيىن COVID-19-دىڭ وڭ ناتيجەسىمەن 410 523 ناۋقاس جانە 56 546 كۆي جاعدايى تىركەلدى. قازاقستان رەسپۋبليكاسى «سارى» ايماقتا. «قىزىل» ايماقتا نۇر-سۇلتان قالاسى قالىپ وتىر. قالعان وڭىرلەر «سارى» جانە «جاسىل» ايماقتا تۇر.
سوڭعى اپتادا كوروناۆيرۋس ينفەكتسياسىمەن اۋرۋ ءوسىمى 4 پايىزعا ارتقانى بايقالادى. بۇل نۇر-سۇلتان قالاسىندا بۇعان دەيىنگى اپتامەن سالىستىرعاندا تىركەلگەن جاعدايلار سانىنىڭ 40 پايىزعا ارتۋىمەن بايلانىستى», دەدى الەكسەي تسوي.
ونىڭ دەرەگىنشە, اۋرۋحانالارداعى ينفەكتسيانىڭ توسەك-ورىنداردىڭ جۇكتەمەسى 25 جانە جانساقتاۋ بولىمدەرىندە 21 پايىزدى قۇراپ وتىر.
«اۋرۋ كورسەتكىشى جوعارى بولعان 7 وڭىردە ينفەكتسيالىق تا, رەانيماتسيالىق تا توسەك-ورىندار جۇكتەمەسىنىڭ تومەندەۋى بايقالادى», دەدى مينيستر.
