تەاتر • 22 ماۋسىم، 2021

قازاقستاندا قانشا تەاتر جۇمىس ىستەپ تۇر؟

30 رەت كورسەتىلدى

مادەنيەت جانە سپورت ۆيتسە-ءمينيسترى نۇرعيسا داۋەشوۆتىڭ سوزىنشە، 2020 جىلى ەلىمىزدە العاش رەت 5 مادەنيەت ۇيىمىنا پرەزيدەنت جارلىعىمەن «ۇلتتىق» مارتەبەسى بەرىلگەن، دەپ جازادى Egemen.kz.

ولاردىڭ ىشىندە م. اۋەزوۆ اتىنداعى قازاق مەملەكەتتىك اكادەميالىق دراما تەاترى، اباي اتىنداعى قازاق مەملەكەتتىك اكادەميالىق وپەرا جانە بالەت تەاترى، م.لەرمونتوۆ اتىنداعى مەملەكەتتىك اكادەميالىق ورىس دراما تەاترى بار.

«بۇگىنگى كۇنى قازاقستاندا 65 تەاتر قىزمەت اتقارادى، ونىڭ 53-ءى مەملەكەتتىك تەاتر. تاۋەلسىزدىك جىلدارى ەلىمىزدە 22 مەملەكەتتىك تەاتر اشىلىپ، ورال، قاراعاندى، قوستاناي، نۇر-سۇلتان، وسكەمەن، شىمكەنت، تالدىقورعان، تۇركىستان قالالارىندا 9 تەاترعا زاماناۋي جاڭا عيمارات سالىندى. 2020 جىلى نۇر-سۇلتان قالاسىندا مۋزىكالىق جاس كورەرمەندەر تەاترى اشىلسا، قاليبەك قۋانىشباەۆ اتىنداعى مەملەكەتتىك اكادەميالىق مۋزىكالىق-دراما تەاترى رەسپۋبليكالىق دەڭگەيگە ءوتىپ، ۇجىم جاڭا عيماراتقا كوشتى. سونىمەن قاتار، تۇركى الەمىنىڭ استاناسى رەتىندە رەسمي تۇردە مويىندالعان تۇركىستان قالاسىندا اعىمداعى 2021 جىلى تۇركىستان مۋزىكالىق-دراما تەاترى اشىلىپ،  ارنايى سالىنعان جاڭا عيماراتتا ءوز جۇمىسىن باستادى»، دەدى ۆيتسە-مينيستر. 

ونىڭ ايتۋىنشا، تاۋەلسىزدىكتىڭ 30 جىلدىعىن مەرەكەلەۋ جونىندەگى جالپى رەسپۋبليكالىق ءاربىر شارا ۇلتتىق مادەنيەتتى ىلگەرىلەتۋگە جانە داستۇرلەردى جاڭعىرتۋعا، سالاۋاتتى ءومىر سالتىن ناسيحاتتاۋعا باعىتتالعان.

سوڭعى جاڭالىقتار

الىمجەتتىك ازايعانىمەن...

قازاقستان • بۇگىن، 22:40

ءبىر قۋانتىپ، ءبىر مۇڭايتقان سالا

ەكونوميكا • بۇگىن، 21:52

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار