وقيعا • 21 ماۋسىم، 2021

الماتى وبلىسىندا 17 جاسار قىز قۇرداسىن پىشاقتادى

164 رەت كورسەتىلدى

الماتى وبلىسى، قاراتال اۋدانى، باستوبە اۋىلىندا 17 جاستاعى قىز زامانداسىن سۋىق قارۋمەن جاراقاتتاعان، دەپ حابارلايدى Egemen.kz.

الماتى وبلىستىق پد ءباسپاسوز قىزمەتىنىڭ مالىمەتىنشە، 13 ماۋسىم كۇنى قاراتال اۋداندىق پوليتسيا باسقارماسىنا ورتالىق اۋداندىق اۋرۋحانادان حابارلاما تۇسكەن - باستوبە اۋىلىنىڭ 17 جاستاعى تۇرعىنى پىشاق جاراقاتىن العان.

تەرگەۋ بارىسىندا انىقتالعانداي، زارداپ شەككەن قىز 17 جاستاعى كۇدىكتىمەن مەكتەپتەن تانىس جانە ارالارىندا كيكىلجىڭ تۋىنداعان.
وقيعادان ءبىر كۇن بۇرىن ولاردىڭ كوشە بويىندا جانجالداسقانى بەلگىلى بولدى. ماسەلەنى سوڭىنا جەتكىزۋ ءۇشىن جابىرلەنۋشى تانىسىن تۇندە كەزدەسۋگە شاقىرىپ، ۇرا باستاعان. سوققىنىڭ استىندا قالعان ەكىنشى قىز قاشىپ قۇتىلىپ، ءوز ءۇيىنىڭ اۋلاسىندا جاسىرىنعان.

«ول جەردەن جينالمالى پىشاق تاۋىپ الىپ، ارتىنان كەلگەن زامانداسىنىڭ ىشىنەن ۇرعان. قىلمىس قۇرالى ايعاقزات رەتىندە تاركىلەنىپ، ىسكە دالەل رەتىندە تىركەلدى. كۇدىكتى اتا-اناسىنىڭ قولىنا تاپسىرىلدى. قازىر دەنساۋلىققا قاساقانا زيان كەلتىرۋ ياعني، قر قك 106-بابى 1-بولىگىنە سايكەس تەرگەۋ ءجۇرىپ جاتىر»، دەلىنگەن الماتى وبلىستىق پوليتسيا دەپارتامەنتى ءباسپاسوز قىزمەتى جاريالاعان حابارلامادا.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار