وقيعا • 21 ماۋسىم، 2021

ەلوردالىق پوليتسەي سۋعا باتىپ بارا جاتقان ايەلدى قۇتقاردى

11 رەت كورسەتىلدى

ەلوردادا 35 جاستاعى ايەل ەسكەكشىلەر كانالىن ءجۇزىپ وتپەك بولعان، دەپ حابارلايدى Egemen.kz.

نۇر-سۇلتان قالاسى پوليتسيا دەپارتامەنتىنىڭ مالىمەتىنشە، بۇگىن ساعات 11.25-تە «102» ارناسىنا ەسكە ەسۋ كانالىندا سۋعا ادام باتىپ بارا جاتقانى تۋرالى حابارلاما كەلىپ تۇسكەن.

«شاقىرتۋعا جەدەل تۇردە اعا لەيتەنانتتار ايدوس اعابەكوۆ پەن نۇرسۇلتان سەيداليەۆ جىبەرىلدى. وقيعا ورنىنا جەتكەن پوليتسەيلەر وزەن ورتاسىنان ايەلدى كورگەن. ايدوس اعابەكوۆ كيىمىن شەشىپ، سۋعا سەكىردى. اعا لەيتەنانت قاس قاعىم ساتتە ايەلدىڭ جانىنا جەتتى. ابدەن السىرەگەن ايەل قارمانۋ كەزىندە پوليتسيا وكىلىنىڭ جاعاعا شىعۋىنا كەدەرگى كەلتىرگەن. جاعاداعى ساقشى ارىپتەسىنە ۇرلەنگەن شەڭبەر لاقتىرىپ، ەكەۋىن جاعاعا شىعاردى»، دەپ جازىلعان دەپارتامەنتتىڭ اقپاراتىندا.

35 جاستاعى ايەل ەسكەك ەسۋشىلەرگە ارنالعان كانالدى ءجۇزىپ وتپەك بولعان. ارنانىڭ ورتاسىنا جەتكەندە السىرەپ قالعان.

«ايەلگە ءجۇزىپ جەتكەن كەزدە، قورقىنىشتان دەنەسى سىرەسىپ، كەدەرگى كەلتىردى. مەن ءوزىم دە باتپاي، ونى دا امان الىپ شىعۋا تىرىستىم»، دەيدى اعا لەتەنانت ايدوس اعابەكوۆ.

ايەلگە مەديتسينالىق كومەك كورسەتىلدى، ونىڭ ومىرىنە قاۋىپ جوق.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار