«قازاندا بولعان وقىس جاعدايعا بايلانىستى بىردەن ارنايى وتىرىس وتكەن بولاتىن. وندا بىرنەشە ناقتى شەشىم قابىلداندى. ءبىرىنشى شەشىم نورماتيۆتىك-قۇقىقتىق باعىتتى كۇشەيتۋگە بايلانىستى. ونىڭ ىشىندە ناقتىراق ايتار بولساق, ەلىمىزدە 6500-گە جۋىق مەكتەپ, 800-گە جۋىق دەنساۋلىق ساقتاۋ جانە 500-گە جۋىق مادەنيەت نىسانىنداعى قاۋىپسىزدىككە قاتىستى ناقتى ءىس-شارالار قابىلداندى. ەكىنشى شەشىم وقىس جاعداي نەمەسە داعدارىس بولعاندا مەكتەپتەگى مۇعالىمدەر مەن وقۋشىلاردىڭ ءىس-قيمىلىنا بايلانىستى ناقتى الگوريتم قابىلداندى. ءۇشىنشى شەشىم جوعارىدا اتالعان نىسانداردىڭ ماتەريالدىق-تەحنيكالىق بازاسىنا قاتىستى بولدى», دەدى ەرالى توعجانوۆ دەپۋتاتتاردىڭ ساۋالىنا وراي.
«وتكەن جىلى ەلىمىزدەگى مەكتەپتەر 100% بەينەباقىلاۋ كامەراسىمەن جابدىقتالعان. بىراق ناقتى تالدامانىڭ اياسىندا ولاردىڭ 23%-ىن قايتا قاراستىرۋ قاجەتتىگى انىقتالدى. ونىڭ ءبارى وقۋ جىلى باستالعانشا قالىپقا كەلتىرىلەدى. سونىمەن قاتار مەكتەپتەردەگى اگرەسسيۆتىك مىنەز-ق ۇلىقتى تومەندەتۋگە باعىتتالعان ءىس-شارالار قابىلدانادى. كيبەربۋلليگكە بايلانىستى ماسەلەلەردى دە قاراستىرامىز. ينتەرنەت رەسۋرستاردى دا جان-جاقتى باقىلاپ وتىرمىز. قىسقا ۋاقىتتىڭ ىشىندە 5 مىڭعا جۋىق زاڭعا قايشى جۇمىس ىستەيتىن رەسۋرستار انىقتالدى», دەدى ۇكىمەت باسشىسىنىڭ ورىنباسارى.
