«2021 جىلدىڭ قورىتىندىسى بويىنشا ۇكىمەتتىڭ الدىندا ەكونوميكا ءوسىمىن 3,5-4,0 پايىز دەڭگەيىندە قامتاماسىز ەتۋ جانە 1,2 ملن ادامدى جۇمىسپەن قامتۋ شارالارىن ىسكە اسىرۋ مىندەتى تۇر.
بۇل حالىقتىڭ ناقتى تابىسىن 5 پايىز ارتتىرۋعا مۇمكىندىك بەرەدى. ۇكىمەت سونىمەن قاتار 8 ترلن تەڭگەگە 415 ينۆەستيتسيالىق جوبانى ىسكە اسىرۋدى كوزدەپ وتىر», دەدى اسقار مامين.
ۇكىمەت باسشىسىنىڭ ايتۋىنشا, بيىل 17 ملن شارشى مەتر تۇرعىن ءۇيدى پايدالانۋعا بەرۋ, 200 مەكتەپ سالۋ جانە 30 مەدپۋنكت اشۋ, 6 مىڭ شاقىرىم اۆتوجول جوندەۋ جانە سالۋ, حالىقتى اۋىز سۋمەن قالادا – 98 پايىز جانە اۋىلدا – 91,8 پايىز قامتاماسىز ەتۋ جوسپارلانعان.
«اگروونەركاسىپتىك كەشەننىڭ الەۋەتىن پايدالانۋ ءۇشىن 1 050 شاقىرىم كانالدى جوندەۋ جوسپارلانىپ وتىر. بۇل سۋارىلاتىن جەرلەردى 78 مىڭ گەكتارعا ۇلعايتۋعا مۇمكىندىك بەرەدى», دەدى پرەمەر-مينيستر.
