بۇل رەتتە تسيفرلى ەكونوميكانى دامىتۋ ورتالىعى قازاقستان ءۇشىن اياق كيىم شىعاراتىن 45 شەتەلدىك زاۋىتپەن كەلىسسوز جۇرگىزدى. ولاردىڭ كوپشىلىگى رەسەي نارىعىنا ارنالعان اياق كيىمدى ءبىر جارىم جىلدان بەرى تاڭبالاپ كەلەدى. تيىسىنشە, قازاقستانعا دا قول ۇشىن سوزۋعا دايىن.
اتاپ ايتقاندا, قازاقستاندىق اياق كيىم يمپورتىنىڭ 61 پايىزىن قۇرايتىن قىتاي زاۋىتتارىن تاڭبالاۋ قىزمەتتەرىنىڭ قۇنى ءبىر جۇپ ءۇشىن 70 تەڭگەگە تەڭ. تۇرىك زاۋىتتارى قازاقستان ءۇشىن اياق كيىمدى 70-100 تەڭگەگە تاڭبالاۋعا دايىن. يتاليا زاۋىتتارىندا تاڭبالاۋدىڭ ەڭ قىمبات قىزمەتى – شامامەن 300-400 تەڭگە. بىراق بۇل ەلدەن قازاقستانعا كەلەتىن تاۋاردىڭ كولەمى جالپى يمپورتتىڭ 0,3 پايىزىن عانا قۇرايدى.
تاۋاردى وندىرىستە بىردەن تاڭبالاۋ – ەڭ قولايلى نۇسقا. بۇدان بولەك, يمپورتتاۋشىلاردىڭ قازاقستانعا ءونىمدى اكەلۋ كەزىندە كەدەندىك قويمادا دا تاڭبالاۋ قىزمەتىنە تاپسىرىس بەرۋگە مۇمكىندىگى بار. ولاردىڭ قىزمەتتەرى يمپورتتاۋشىنىڭ جالپى كولەمىنە بايلانىستى ءبىر جۇپ ءۇشىن 30 تەڭگەدەن 300 تەڭگەگە دەيىن بولماق. سونىمەن قاتار بۇل سوماعا جونەلتۋ, ساقتاۋ, بۋىپ-ءتۇيۋ, ستيكەتتەۋ, سكانەرلەۋ جانە ەسەپكە الۋدىڭ بارلىق قوسىمشا شىعىنى كىرەدى. ورتا ەسەپپەن وندىرۋشىلەر مەن يمپورتتاۋشىلار ءۇشىن تاڭبالاۋعا بايلانىستى شىعىندار ءبىر جۇپ قۇنىنىڭ 0,1-2,5 پايىزىن قۇرايدى.
– قازىر اياق كيىمنىڭ تاڭبالانۋىنا بايلانىستى ايتارلىقتاي قىمباتتاۋى مۇمكىن دەگەن اقپاراتتىق جۇمىس ءجۇرىپ جاتقانىن كورىپ وتىرمىز. الايدا شىن مانىندە بۇل جاڭاشىلدىق باعاعا اناۋ ايتقانداي اسەر ەتپەيدى. بالكىم, جىلدار بويى «كولەڭكەلى» اينالىمدا ءجۇرىپ كەلگەن, قازىر دە «جىلى ورنىن سۋىتقىسى» كەلمەيتىن جوسىقسىز كاسىپكەرلەر جاعدايدى ءوز پايدالارىنا يكەمدەۋگە مۇددەلى. نارىقتا زاڭدى تۇردە جۇمىس ىستەيتىن كاسىپكەرلەر تسيفرلى تاڭبالاۋدى ەنگىزۋدى قولدايدى. ولار بۇل قادام زاڭسىز تاۋار نارىعىن تازارتۋدىڭ ەڭ ءتيىمدى جولى, ونىڭ ادال قاتىسۋشىلارىنا نارىق ۇلەسىن ارتتىرۋ مۇمكىندىگى ەكەنىن جاقسى بىلەدى. ەگەر نارىقتىڭ رەسمي كولەمى جىلىنا 34 ملن جۇپ اياق كيىمدى قۇرايتىن بولسا, 18,8 ملن ادام تۇراتىن قازاقستان ءۇشىن بۇل كورسەتكىش تىم از ەكەنى انىق, – دەيدى تسيفرلى ەكونوميكانى دامىتۋ ورتالىعىنىڭ باس ديرەكتورى بيكەش قۇرمانعاليەۆا.
وسى ورايدا وتاندىق اياق كيىم وندىرۋشىلەر تسيفرلى تاڭبالاۋدى ەنگىزۋدى ءاردايىم قولداپ كەلەدى. قازىرگى ۋاقىتتا اياق كيىم تاۋارلارى اينالىمىنىڭ قۇرىلىمى مىناداي: 96 پايىزى – يمپورت, ال 4 پايىزى – ىشكى ءوندىرىس. ىشكى نارىقتىڭ دامۋى اياق كيىمنىڭ «كولەڭكەلى» اينالىمىن ايتارلىقتاي شەكتەيدى.
ب.قۇرمانعاليەۆانىڭ پىكىرىنشە, تسيفرلى تاڭبالاۋدى ەنگىزۋ – نارىقتى كونترافاكتىدەن تازارتۋدىڭ ەڭ تيiمدi جولى. رەسمي مالىمەتتەر بويىنشا, كونترافاكتىلەر قازىر نارىقتىڭ 48,5 پايىزىن قۇرايدى. سوندىقتان تاڭبالاۋ اياق كيىمنىڭ ءار جۇبىن انىقتاۋعا جانە ونى ادام فاكتورىنىڭ اسەرىنسىز تاۋارلىق تىزبەكتەن قاداعالاۋعا مۇمكىندىك بەرەدى.
تاۋارعا Data Matrix كودى بار ستيكەر نەمەسە زاتتاڭبا ورناتۋ قاجەت بولادى. Data Matrix كودى تىكەلەي اياق كيىمگە, سونداي-اق تاۋارلىق بەلگىگە نەمەسە تۇتىنۋشى قاپتاماسىنا قولدانىلۋى مۇمكىن. جاڭا تسيفرلى بەلگى ساتىپ الۋشى ءۇشىن ءونىمنىڭ زاڭدىلىعىن راستايدى. تۇتىنۋشى كودتى ارنايى ءموبيلدى قوسىمشامەن سكانەرلەپ, ءونىم تۋرالى تولىق اقپارات الىپ, ونىڭ زاڭدىلىعىن تەكسەرە الادى.
