بۇگىندە اۋەجايلار, كاسىپكەرلىك, مادەنيەت جانە سپورت نىساندارى Ashyq قوسىمشاسىمەن جۇمىس ىستەپ جاتقانى بەلگىلى. باس مەملەكەتتىك سانيتارلىق دارىگەردىڭ جاقىندا تاعى ءبىر قاۋلىسى شىقتى. وسى قۇجات بويىنشا ەندى ەلىمىزدىڭ بارلىق قالاسىنداعى حالىققا قىزمەت كورسەتۋ ورتالىقتارى كەلۋشىلەردى Ashyq سەرۆيسىنەن وتكىزەتىن بولدى. ەگەر قوسىمشادا ازاماتتىڭ مارتەبەسى «جاسىل» نەمەسە «كوكشىل», ياعني تەرىس نەمەسە بەيتاراپ بولسا, وندا ولار كەزەكتى الدىن الا برونداماي-اق حقو كورسەتەتىن مەملەكەتتىك قىزمەتتى الا بەرەدى.
«بۇل زاماناۋي سەرۆيس نەگىزىندە حقو-لار كليەنتتەردى كوبىرەك قابىلداپ قانا قويماي, سونىمەن قاتار قىزمەتكەرلەر مەن كەلۋشىلەردىڭ قاۋىپسىزدىگىن قامتاماسىز ەتە الادى. بۇل رەتتە كەزەككە الدىن الا برونداۋ مۇمكىندىگى بۇرىنعىشا قالا بەرەدى. ونىڭ باستى ارتىقشىلىعى – كەلۋشى الدىن الا بەلگىلەنگەن ۋاقىتتا كەلىپ, وپەراتوردىڭ قابىلداۋىنا بىردەن وتە الادى», دەيدى «ازاماتتارعا ارنالعان ۇكىمەت» كورپوراتسياسىنىڭ باسقارما توراعاسى ءادىل قوجىقوۆ.
ەگەر ازاماتتاردىڭ سمارتفونىندا Ashyq قوسىمشاسى بولماسا, ولار تاياۋدا عانا Ashyq فۋنكتسيونالى ەنگىزىلگەن eGov mobile, Kaspi.kz جانە Halyk Homebank قوسىمشالارىن پايدالانا الادى. ەگەر بۇل قوسىمشالار دا بولماسا, وندا ازاماتتاردىڭ مارتەبەسىن جسن ارقىلى حقو قىزمەتكەرى انىقتاپ بەرەدى.
«البەتتە, ءمۇنداي قادام حقو-عا كەلۋشىلەر سانىن كوبەيتەتىنىن تۇسىنەمىز. سوندىقتان بارشاڭىزدى سانيتارلىق قاۋىپسىزدىك شارالارىن قاتاڭ ساقتاۋعا شاقىرامىز. مىندەتتى تۇردە بەتپەردە تاعىپ, الەۋمەتتىك قاشىقتىقتى ساقتاپ, سانيتايزەرلەردى قولدانۋدى ۇمىتپاعايسىزدار», دەپ ەسكەرتە كەتتى ءا.قوجىقوۆ.
Ashyq قوسىمشاسىمەن جۇمىس ىستەۋگە بايلانىستى قازىرگى تاڭدا قالالارداعى ءاربىر فرونت-كەڭسەنىڭ كىرەبەرىسىندە سكانەرلەۋ ءۇشىن ارنايى دەربەس QR-كود ىلىنگەن. ەگەر ازاماتتى تەكسەرگەن كەزدە «سارى» نە «قىزىل» مارتەبە انىقتالسا, وندا ولاردى عيماراتقا كىرگىزبەيدى.
باس سانيتارلىق دارىگەردىڭ 2021 جىلدىڭ ماۋسىمىنداعى قاۋلىسىنا سايكەس, بيىلعى 17 ماۋسىمنان باستاپ, «نۇرلى جول» تەمىرجول ۆوكزالى كەشەنىندە دە Ashyq جوباسى ەنگىزىلدى. ال 21 ماۋسىمنان باستاپ, الماتى-1, الماتى-2, قاراعاندى جانە وسكەمەن ۆوكزالدارىندا دا وسى جوبا جۇمىس ىستەي باستايدى.
1 شىلدەدەن باستاپ, اقتوبە, اتىراۋ, بەينەۋ, كوكشەتاۋ, قوستاناي, قىزىلوردا, ماڭعىستاۋ, ورال, پاۆلودار, سەمەي, تاراز, تۇركىستان, شىمكەنت جانە شۋ ۆوكزالدارى وسى جۇيەمەن جولاۋشىلاردى قابىلدايدى. بارىندە دە ءتارتىپ بىردەي: Ashyq جوباسىندا مارتەبەسى «جاسىل» جانە «كوك» بولعاندار ۆوكزالعا كىرەدى دە «سارى» مەن «قىزىل» جانعاندار ىشكە وتە المايدى. «بۇل شارا كوروناۆيرۋستىق ينفەكتسيانىڭ تارالۋ قاۋپىن ازايتىپ, ۆيرۋستى ورشىتەتىن بايلانىستار سانىن قىسقارتۋ ماقساتىندا ەنگىزىلىپ وتىر», دەيدى «قازاقستان تەمىرجولى»ۇك» اق ءباسپاسوز قىزمەتى تاراتقان مالىمەتتە.
QR-كودتى سكانەرلەيتىن Ashyq كىرۋ جۇيەسى «نۇرلى جول» ۆوكزال كەشەنىنىڭ بارلىق كىرەبەرىسىندە ءىلىندى. جولاۋشىلار اراسىنداعى ارا قاشىقتىقتى ساقتاۋ ءۇشىن ۆوكزال قىزمەتكەرلەرى كەلۋشىلەردى ءبولىپ كىرگىزەدى. «جولاۋشى ۆوكزالعا كىرەردە QR-كودتى Ashyq ءموبيلدى قوسىمشاسى ارقىلى نەمەسە Kaspi.kz, Homebank, Aity قوسىمشالارى ارقىلى سكانەرلەۋ قاجەت. جولاۋشىدا قوسىمشا نەمەسە سمارتفون بولماعان جاعدايدا ۆوكزال قىزمەتكەرىنە جسن كورسەتۋ قاجەت. شەتەلدىكتەردىڭ مارتەبەسى تولقۇجاتتىڭ ءنومىرى بويىنشا تەكسەرىلەدى. 18 جاسقا دەيىنگى بالالار تەكسەرۋدەن وتپەيدى. «قىزىل» جانە «سارى» مارتەبەسى بار ادامداردى ۆوكزالعا كىرگىزبەيمىز. سوندىقتان www.ashyq.kz cايتىنا كىرىپ, بەيتاراپ QR-كود ارقىلى مارتەبەڭىزدى الدىن الا انىقتاپ العانىڭىز ءجون», دەيدى اق ماماندارى.
ال پويىزعا بيلەت الىپ قويعان, بىراق Ashyq قوسىمشاسىندا مارتەبەسى «قىزىلمەن» نەمەسە «سارىمەن» بەلگىلەنگەندەر نە ىستەيدى؟ بۇل جولاۋشىلار ۆوكزالعا كىرە المايدى. ءتىپتى پايدالانىلماعان جول ءجۇرۋ قۇجاتىن (بيلەتىن) قايتارۋ ءۇشىن كاسساعا دا بارا المايدى. «ۆوكزالعا كىرە المايتىن جولاۋشىلار بيلەتىن وتكىزۋ كەرەك. ول ءۇشىن WhatsApp ءموبيلدى قوسىمشاسى ارقىلى bilet.railways.kz سايتىندا كورسەتىلگەن تەلەفون نومىرىنە (+7 707 270 36 64) حابارلاسىپ, بيلەتتىڭ جانە Ashyq قوسىمشاسىنداعى مارتەبەسىنىڭ فوتوسۋرەتىن نەمەسە سكرينشوتىن, جەكە كۋالىگىن جىبەرۋى كەرەك, دەيدى ماماندار.
