ايماقتار • 21 ماۋسىم، 2021

الەمدى وزگەرتۋ – جاستاردىڭ مىندەتى

33 رەت كورسەتىلدى

قازىرگى كەزدە قوعامدا جاستارعا قاتىستى ماسەلە كوپ. جاستاردىڭ وي-ساناسى مەن كوزقاراسىن دۇرىس قالىپتاستىرۋ، ومىرگە كوزقاراسىن ايقىنداۋ دا – ماڭىزدى مىندەتتىڭ ءبىرى. وسى ورايدا تاراز قالاسىنداعى ق.رىسقۇلبەكوۆ اتىنداعى ساياباقتا جاستار اراسىندا الەۋمەتتىك جاۋاپكەرشىلىك پەن ەكولوگيالىق مادەنيەتتى قالىپتاستىرۋ جانە الەۋمەتتىك ماڭىزى بار ەكولوگيالىق جوبالاردى قولداۋ ماقساتىندا ÁLEMDI ÓZGERT اتتى ۇزدىك جوبالار بايقاۋى ءوتتى.

اتالعان بايقاۋدى جامبىل وب­لىس­تىق جاستار ساياساتى ماسەلەلەرى باسقارماسى ۇيىمداستىردى. بۇل شارا جاستاردى ءوزىن ءوزى تاربيەلەۋگە باۋليدى. اسىرەسە جاستاردى ەكولوگيالىق سانانى وزگەرتۋگە، جاقسى مەن جاماندى سارالاي بىلۋگە شاقىرادى.

«جوبالاردىڭ ءبارىن دە قاراپ شىق­تىق. جاستار اتالعان جوباعا تىڭ يدەيا­لار ۇسىنعان. سونىمەن قاتار ءارتۇرلى باعىتتاعى ماسەلەلەردى دە قامتىعان. وسىنداي بايقاۋلارعا تۇراقتى قاتى­سىپ تۇراتىن جاس­تارىمىز دا جەتەرلىك. ۇزدىك دەپ تانىلعان جوبالار الداعى ۋاقىت­تا قولداۋ تاۋىپ، ىسكە اسىرىلادى دەگەن سەنىمدەمىن. جوباعا كەز كەلگەن جاس ءوز جۇمىسىن ۇسىنا الادى»، دەيدى قازىلار القاسىنىڭ مۇشەسى اسحات ولجاباي.

بايقاۋعا وڭىردەگى جوعارى جانە ارناۋلى وقۋ ورىندارىنان 15 ستۋدەنت قاتىسىپ، ءوزىنىڭ قازاق جانە ورىس تىلدەرىندەگى پۋبليتسيستيكالىق جۇمىستارىن ۇسىنعان. قازىلار القا­سىنىڭ شەشىمىنە سايكەس «الەۋمەتتىك باعىتتاعى ماسەلەلەر» اتالىمى بو­يىنشا حالىقارالىق تاراز ين­­نوۆا­تسيا­لىق ينستيتۋتىنىڭ ستۋ­دەنتى ب.اسقار، «قۇقىقتىق باعىت­تاعى ماسەلەلەر» اتالىمى بو­يىن­شا «تاراز-بولاشاق» جوعارى مەدي­تسينالىق كوللەدجىنىڭ ستۋ­دەنتى د.بەرەكەەۆا، «ەكولوگيالىق باعىتتاعى ماسەلەلەر» اتالىمى بويىنشا حالىقارالىق تاراز ين­نوۆاتسيالىق ينستيتۋتىنىڭ ستۋدەنتى ش.ءجۇسىپوۆ جانە «اسكەري باعىتتاعى ماسەلەلەر» اتالىمى بويىنشا م.ح.دۋلاتي اتىن­داعى تاراز وڭىرلىك ۋنيۆەرسيتەتىنىڭ ستۋ­دەنتى ە.يۋسۋپوۆ جەڭىم­پاز اتاندى. جەڭىم­­پازدارعا ۇيىمداستىرۋشىلار تاراپىنان ار­نايى ديپلومدار مەن باعالى سىي­لىقتار بەرىلدى.

«مەن ۇسىنعان جوبا الەۋمەتتىك ماسە­لەلەردى شەشۋگە باعىتتالعان. بۇ­گىن­گى قوعامدا اجىراسۋ بەلەڭ الىپ وتىر. جوبادا وتباسى قۇندىلىقتارىن ساق­تاۋ جانە اجىراسۋدى ازايتۋدىڭ جولدارى ۇسىنىلدى. الداعى ۋاقىتتا دا الەۋ­مەتتىك ماسەلەلەرگە بايلانىستى ۇيىم­داس­تىرىلعان ءتۇرلى بايقاۋ­لاردا بەل­سەن­دىلىك تانىتامىن»، دەيدى بايقاۋ جەڭىم­پازى ب.اسقار.

 

جامبىل وبلىسى

 

سوڭعى جاڭالىقتار

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار