«قازاقستاننىڭ مۇددەسىن العا تارتا وتىرىپ, ۋكراينا ۇكىمەتىنىڭ باسشىلىعىمەن بىرقاتار كەزدەسۋلەر وتكىزدىم. ۋكراينا پرەمەر-ءمينيسترى دەنيس شمىگال مىرزامەن ەكىجاقتى ءوزارا ءىس-قيمىلدىڭ بارلىق وزەكتى ماسەلەلەرى بويىنشا پىكىر الماستىق.
قازىر بارلىق ەلدەردىڭ الدىندا باستى مىندەت تۇر, ول كوروناۆيرۋسقا بايلانىستى جاريالانعان كارانتين شەكتەۋلەرىنەن كەيىنگى ءوزارا قارىم-قاتىناستى جالعاستىرۋ. بۇل مىندەتكە قول جەتكىزۋدىڭ باستى جولى - حالىقتى جاپپاي ۆاكتسينالاۋ.
قازاقستان covid-19 كوروناۆيرۋسىنا قارسى ءوز ۆاكتسيناسىن وندىرەتىن ساناۋلى ەلدەردىڭ ءبىرى بولىپ تابىلادى. ادامنىڭ ادەنوۆيرۋستىق ۆەكتورلارى پلاتفورماسىندا جاسالعان ءبىزدىڭ QazVac ۆاكتسيناسى 96% استام تيىمدىلىككە يە. كيەۆ قىزىعۋشىلىق تانىتقان جاعدايدا ءبىزدىڭ ۆاكتسينانى جەتكىزۋدى قامتاماسىز ەتۋگە دايىنبىز», دەپ جازدى مينيستر فەيسبۋكتەگى پاراقشاسىندا.
