پرەزيدەنت • 18 ماۋسىم، 2021

مەملەكەت باسشىسى نۇر-سۇلتان قالاسىنداعى №103 قالالىق ەمحاناعا باردى

87 رەت كورسەتىلدى

قاسىم-جومارت توقاەۆ العاشقى جاردەم جانە كونسۋلتاتسيالىق-دياگنوستيكالىق كومەك كورسەتۋگە ارنالعان زاماناۋي مەديتسينالىق قۇرالدارمەن جابدىقتالعان كابينەتتەردى ارالادى، دەپ حابارلايدى Egemen.kz اقوردنىڭ رەسمي سايتىنا سىلتەمە جاساپ.

ەمحانادا رەنتگەنوگرافيا، مامموگرافيا، فليۋوروگرافيا، لور-كومباين، ساراپتامالىق دەڭگەيدەگى ۋلترا-دىبىستىق زەرتتەۋ جانە باسقا دا مەديتسينالىق اپپاراتتار بار. ەمحانانىڭ سوڭعى ۇلگىدەگى اپپاراتتارمەن جابدىقتالۋى اۋرۋدى دەر كەزىندە انىقتاپ، ساپالى مەديتسينالىق كومەك كورسەتۋگە مۇمكىندىك بەرەدى.

«سالاۋاتتى استانا» جاۋاپكەرشىلىگى شەكتەۋلى سەرىكتەستىگىنە قاراستى جاڭا امبۋلاتوريالىق-ەمحانالىق كەشەن ءبىر اۋىسىمدا 500 ادامدى قابىلدايدى.

مەملەكەت باسشىسىنا مەديتسينالىق ورتالىقتا تىركەلگەن تۇرعىندارعا 23 سالا بويىنشا العاشقى مەديتسينالىق-سانيتارلىق جانە كونسۋلتاتسيالىق-دياگنوستيكالىق كومەك كورسەتىلەتىنى تۋرالى ايتىلدى. سونداي-اق ەرەسەكتەر مەن بالالارعا وڭالتۋ قىزمەتتەرى كورسەتىلەدى. 150 ورىندىق كۇندىزگى ستاتسيونار جۇمىس ىستەيدى.

پرەزيدەنت مەديتسينالىق ورتالىقتىڭ ۇجىمىنا جەدەل جاردەم كولىگىن الۋعا سەرتيفيكات تابىستادى.

قازىرگى تاڭدا ەلوردادا 180 مىڭ ادام كوروناۆيرۋسقا قارسى ەكپەنىڭ ءبىرىنشى كومپونەنتىن العان. 128 مىڭنان استام ازامات ەكپەنىڭ ەكىنشى كومپونەنتىن سالدىردى. ەڭبەك ۇجىمدارىن ۆاكتسينالاۋ بەلسەندى جۇرگىزىلىپ جاتىر.

ۇجىمدىق يممۋنيتەتتى قالىپتاستىرۋ ءۇشىن 650 مىڭنان استام ادامعا نەمەسە قالا تۇرعىندارىنىڭ 60 پايىزىنا ەكپە ەگۋ جوسپارلانۋدا.

العاشقى مەديتسينالىق-سانيتارلىق كومەك كورسەتۋ ۇيىمدارىنداعى ۆاكتسينالاۋ پۋنكتتەرى 100-گە دەيىن كوبەيدى، سونداي-اق، ساۋدا جانە ويىن-ساۋىق ورتالىقتارىندا قوسىمشا 8 پۋنكت قىزمەت كورسەتەدى.

سوڭعى جاڭالىقتار

ۇقساس جاڭالىقتار