اۋا رايى • 18 ماۋسىم، 2021

دەمالىس كۇندەرى اۋا رايى سالقىندايدى

258 رەت كورسەتىلدى

قازگيدرومەت 19-21 ماۋسىمعا ارنالعان اۋا رايى بولجامىن جاريالادى، دەپ حابارلايدى Egemen.kz.

كەزەڭ ىشىندە اتموسفەرالىق ءفرونتالدى بولىكتەردىڭ وتۋىمەن قازاقستان اۋماعىنىڭ باسىم بولىگىندە تۇراقسىز اۋا رايى كۇتىلەدى، نايزاعاي ويناپ، جاڭبىر، بۇرشاق جاۋادى، ەكپىندى جەل سوعادى، ورتالىقتا، ەلدىڭ سولتۇستىك-شىعىسى مەن وڭتۇستىك-شىعىسىندا قاتتى جاڭبىر جاۋى مۇمكىن.

رەسپۋبليكانىڭ باتىس وڭىرلەرى عانا انتيتسيكلون جوتاسىنىڭ ىقپالىندا بولادى، سونىڭ اسەرىنەن جاۋىن-شاشىنسىز ىستىق اۋا رايى كۇتىلەدى.

رەسپۋبليكانىڭ سولتۇستىك جارتىسىندا تۇنگى ساعاتتاردا تەمپەراتۋرا 5-13-كە دەيىن، كۇندىز 12-20-عا دەيىن كۇرت تومەندەۋى مۇمكىن، ال وڭتۇستىك جارتىسىندا تۇندە 10-18-گە دەيىن، كۇندىز 18-27-گە دەيىن جىلىنادى.

سوڭعى جاڭالىقتار

ۇقساس جاڭالىقتار