ايماقتار • 18 ماۋسىم، 2021

اتىراۋ وبلىسىنىڭ اكىمى وتستاۆكاعا كەتۋ تۋرالى سۇراققا جاۋاپ بەردى

19 رەت كورسەتىلدى

اتىراۋ وبلىسىنىڭ اكىمى ماحامبەت دوسمۇحامبەتوۆ بۇرىنعى ءبىرىنشى ورىنباسارى سىبايلاس جەمقورلىق ءىسى جونىندە كىنالى دەپ تانىلسا، وتستاۆكاعا كەتۋ تۋرالى سۇراققا جاۋاپ بەردى، دەپ حابارلايدى Egemen.kz.

وكق بريفينگىندە ءتىلشى دوسمۇحامبەتوۆتەن بۇرىنعى ورىنباسارى كىنالى دەپ تانىلسا، وتستاۆكاعا كەتۋ تۋرالى پىكىرىن سۇرادى.

«مەن سىزدەر بىلەتىن اقپاراتتى عانا بىلەمىن. تەرگەۋ بارىسى مەن سوت تالقىلاۋىنىڭ بارىسى تۋرالى تۇسىنىك بەرە المايمىن. (...) مەملەكەتتىك قىزمەت تۋرالى زاڭ بويىنشا، ءاربىر ساياسي قىزمەتكەر، ەگەر ونىڭ تىكەلەي باعىنىشتىسى سىبايلاس جەمقورلىققا قاتىستى سوتتالاتىن بولسا جانە بۇل سوت شەشىمىمەن ايقىندالسا، وتستاۆكاعا كەتۋگە ءتيىس. مەن دە زاڭعا باعىنامىن، زاڭعا سايكەس ارەكەت ەتەمىن»، دەپ جاۋاپ بەردى اكىم.

ماحامبەت دوسمۇحامبەتوۆكە بۇل سۇراق بۇرىن دا قويىلعان. 2020 جىلدىڭ قىركۇيەگىندە ول: «ەگەر تەرگەۋ اياقتالىپ، سوت ونى كىنالى دەپ تاپسا، مەن زاڭعا سايكەس وتستاۆكاعا كەتۋگە دايىنمىن. ونى قابىلداۋ نەمەسە قابىلداماۋ تۋرالى ماسەلەنى پرەزيدەنت شەشەدى» دەگەن بولاتىن.

2020 جىلدىڭ قىركۇيەگىندە باق اتىراۋ وبلىسى اكىمىنىڭ ءبىرىنشى ورىنباسارى نۇرلان تاۋباەۆتىڭ ۇستالعانى تۋرالى حابارلادى. ادۆوكات اتىراۋ وبلىسى اكىمىنىڭ ءبىرىنشى ورىنباسارىنىڭ ۇستالۋىنا قاتىستى تۇسىنىك بەردى.

سوڭعى جاڭالىقتار

ۇقساس جاڭالىقتار