الەم • 18 ماۋسىم، 2021

ءۇندى دەلەگاتسياسى قازاقستاندىق بىتىمگەرلەردى دايارلاۋ ورتالىعىنا بارىپ قايتتى

8 رەت كورسەتىلدى

قازاقستانداعى ءۇندىستان ەلىنىڭ ەلشىسى شۋبحدارشيني تريپاتحي  مەن اسكەري اتتاشە ميلان نالاۆادە الماتىداعى بىتىمگەرلىك دايارلىق ورتالىعىنا باردى، دەپ حابارلايدى Egemen.kz.

ورتالىق باسشىسى پولكوۆنيك باۋىرجان نىعماتۋللين ەلشىنى جاڭا قىزمەتكە تاعايىندالۋىمەن قۇتتىقتاپ، وعان الدا ەلىمىزدەگى قىزمەتىنە تابىس تىلەدى. سونىمەن قاتار، ءۇندىستان رەسپۋبليكاسىنىڭ اسكەري اتتاشەسى پولكوۆنيك ميلان نالاۆادە قازاقستان رەسپۋبليكاسىنداعى مەرزىمىنىڭ اياقتالۋىنا قاراي، ونىڭ قازاقستاندىق بىتىمگەرلىكتى دامىتۋعا قوسقان ۇلەسىن اتاپ ءوتىپ، ەلەۋلى ەڭبەگىنە العىسىن جەتكىزدى.

كەزدەسۋ بارىسىندا تاراپتار بىتىمگەرلىك الەۋەتتى دامىتۋ شەڭبەرىندەگى ءۇندىستان مەن قازاقستاننىڭ قورعانىس ۆەدومستۆولارى اراسىنداعى ەكى جاقتى ىنتىماقتاستىقتى نىعايتۋ ماسەلەلەرىن تالقىلادى.

اتالمىش ورتالىقتىڭ ماقساتى، قىزمەتىنىڭ ءمانى مەن ونىڭ دامۋ جولدارى تۋرالى پولكوۆنيك باۋىرجان نىعماتۋللين باياندادى.

كەزدەسۋ وتكەن جىلدىڭ جەلتوقسان ايىندا اشىلعان بىتىمگەرلىك دايارلىقتىڭ قازاقستاندىق-ۇندىلىك سىنىبىندا ءوتتى.

شۋبحدارشيني تريپاتحي ەلىمىزدىڭ قوناقجايلىلىعى مەن كەزدەسۋگە ءوز اتىنان العىسىن ايتىپ، بەيبىتشىلىكتى قولداۋ جونىندەگى وپەراتسيالارعا ءوزىنىڭ قاتىسۋىن كەڭەيتۋ ارقىلى بەيبىتشىلىك پەن قاۋىپسىزدىكتى نىعايتۋداعى قازاقستاننىڭ قوسقان ۇلەسىنە جوعارى باعا بەردى.

بۇدان وزگە دە، ەلشى ءۇندى تاراپى بىتىمگەرلىك دايارلىق ورتالىعىن دامىتۋ اۋقىمىندا ءوزارا تىعىز ءىس-قيمىل جاساۋعا دايىن ەكەنىن مالىمدەدى.

سوڭعى جاڭالىقتار

ۇقساس جاڭالىقتار