قازاقستان • 18 ماۋسىم، 2021

دەسانتشىلار تۇندە پاراشيۋتپەن سەكىردى

22 رەت كورسەتىلدى

تالدىقورعاندا 150-دەن استام دەسانتشى د-6 جانە «بۇركىت» پاراشيۋتتەرىن پايدالانا وتىرىپ، تۇندە سەكىردى، دەپ حابارلايدى Egemen.kz قورعانىس مينيسترلىگىنە سىلتەمە جاساپ.

تۇندە پاراشيۋتپەن سەكىرۋ – دەسانتشىلاردىڭ جاۋىنگەرلىك دايارلىعىنىڭ مىندەتتى ەلەمەنتى. بۇل جاتتىعۋلاردى كەلىسىمشارت بويىنشا وفيتسەرلەر مەن اسكەري قىزمەتشىلەر ورىندايدى.

– سەكىرۋگە رۇقسات بەرىلگەن بارلىق اسكەري قىزمەتشىلەر ءپاراشيۋتتى جيناۋ ءتارتىبىن ەگجەي-تەگجەيلى زەردەلەپ، الدىن الا دايىندىقتان جانە ارنايى اۋە-دەسانت كەشەنىندە وقىتۋدان ءوتتى. اۋەدە جانە جەرگە قونۋ كەزىندە ءىس-قيمىلداردى پىسىقتادى، – دەدى دەسانتتىق-شابۋىلداۋ بريگاداسى كومانديرىنىڭ اۋە-دەسانت دايارلىعى جونىندەگى ورىنباسارى پودپولكوۆنيك اركادي بۋرميچ.

تۇندە پاراشيۋتپەن سەكىرۋ كۇندىزگى ۋاقىتقا قاراعاندا قيىن. ولاردى ورىنداۋ دەسانتشىنىڭ ءىس-قيمىلى قىراعىلىق پەن ناقتىلىقتى قاجەت ەتەدى. قاراڭعىدا اۋەنى باعدارلاۋ قيىندايدى. سوندىقتان تۇنگى سەكىرۋدىڭ دايىندىق باعدارلاماسىنا قونۋ كەزىندەگى ارنايى داعدىلاردى دامىتۋ ساباقتارى كىرەدى.

ءپاراشيۋتشى تومەندەگەن كەزدە تەك سەكىرۋ الاڭىنىڭ جارىق بەلگىلەرىنە عانا ەمەس، سونىمەن قاتار جاقىن جەردەگى جارىقتاندىرىلعان جولدار مەن وزەندەردىڭ شاعىلىسۋىنا، باسقا دا باعدارلارعا سۇيەنۋ كەرەك.

– تۇنگى سەكىرۋگە دايىندىق كەزىندە ءبىز قونۋعا ەرەكشە نازار اۋدارامىز. ەگەر كۇندىزگى ۋاقىتتا دەسانتقا جەرگە قونۋ ءساتىن ناقتىلاۋ وڭاي بولسا، بۇل قيىنشىلىق تۋدىرمايدى. ال تۇندە قونۋ كەزىندە اراقاشىقتىق پەن ۋاقىتتى انىقتاۋ قيىن. سوندىقتان قاراڭعىدا سەكىرگەن دەسانتشى كەنەتتەن جەرگە سوققىمەن تۇسۋگە دايىن بولۋى كەرەك، – دەيدى پودپولكوۆنيك اركادي بۋرميچ.

تۇنگى ۋاقىتتا پاراشيۋتپەن سەكىرۋ – بۇل اۋە-دەسانتتىق دايارلىقتىڭ ەڭ قيىن، ءارى جاۋاپتى كەزەڭدەرىنىڭ ءبىرى. ونىڭ ءساتتى ورىندالۋى تەك باتىلدىق پەن ەرىك-جىگەردى عانا ەمەس، سونىمەن قاتار ەرەجەلەردى، جيناقىلىق پەن بەلگىلى ءبىر شەبەرلىكتى قاتاڭ ساقتاۋدى تالاپ ەتەدى.

جاتتىعۋلار كۇندىزگى ۋاقىتتا زەردەلەنىپ، تۇنگى سەكىرۋلەر الدىندا قايتا پىسىقتالعاندا جانە ءار دەسانتشى دايىندىقتى بارىنشا مەڭگەرگەندە اۋەدەگى ءىس-قيمىلدار ءساتتى ورىندالادى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار