وقيعا • 18 ماۋسىم، 2021

قوستانايدا اقىن اقىلبەك شاياحمەتتىڭ شىعارماشىلىق كەشى ءوتتى

153 رەت كورسەتىلدى

قوستانايداعى جاستار سارايىندا قازاقتىڭ بەلگىلى اقىنى، قارىمدى قالامگەر اقىلبەك شاياحمەتتىڭ 70 جاس مەرەيتويىنا ارنالعان شىعارماشىلىق كەش ءوتتى، دەپ حابارلايدى Egemen.kz.

وبلىستىق مادەنيەت باسقارماسى ۇيىمداستىرعان ءىس-شاراعا وبلىس باسشىلارى، قازاقستان جازۋشىلار وداعى باسقارماسىنىڭ توراعاسى، اقىن ۇلىقبەك ەسداۋلەت، اقىننىڭ الماتى، نۇر-سۇلتان، اقتوبە قالالارىنان كەلگەن قالامداستارى مەن وڭىردەگى زيالى قاۋىم وكىلدەرى قاتىستى.

ءبىرىنشى بولىپ قۇتتىقتاۋ ءسوز العان وبلىس اكىمىنىڭ ورىنباسارى ارمان ابەنوۆ مەرەيتوي يەسىنە مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن تاپسىردى.

پرەزيدەنتتىڭ قۇتتىقتاۋ حاتىندا «قۇرمەتتى اقىلبەك قوجا ۇلى، ءسىزدى مەرەيتويىڭىزبەن قۇتتىقتايمىن! ارىپتەستەرىڭىز ءوزىڭىزدى بۇگىنگى زامانىمىزدىڭ كوكەيكەستى ماسەلەلەرىن كوتەرىپ، قوعام دامۋىنا ءۇن قوسىپ جۇرگەن قارىمدى قالامگەر رەتىندە جاقسى بىلەدى. تۋىپ وسكەن وڭىرىڭىزدە ونەر مەن مادەنيەتتىڭ كەڭ قانات جايۋىنا، انا ءتىلىمىزدىڭ مارتەبەسىنىڭ بيىكتەۋىنە جان-جاقتى اتسالىسىپ ءجۇرسىز. قوستاناي مەملەكەتتىك ۋنيۆەرسيتەتىندە قىزمەت جاساپ، جۋرناليست بولۋعا تالپىنعان جاستاردىڭ بىلىكتى ماماندىق يەسى اتانۋىنا ۇلەس قوستىڭىز. ەلدىڭ بىرلىگىن، تاۋەلسىزدىكتىڭ تاريحي ماڭىزىن، حالىقتار دوستىعىن، ادامزات قۇندىلىعىن ارقاۋ ەتكەن ولەڭدەرىڭىز جىرسۇيەر قاۋىمنىڭ وڭ باعاسىن الىپ وتىر. الداعى ۋاقىتتا دا تارتىمدى تۋىندىلارىڭىزدى ۇسىنىپ، ەل-جۇرتتىڭ قۇرمەتىنە بولەنە بەرۋىڭىزگە تىلەكتەسپىن! سىزگە زور دەنساۋلىق، وتباسىڭىزعا بەرەكە تىلەيءمىن!» دەلىنگەن.

ودان كەيىن ارمان ابەنوۆ ايماق باسشىسى ارحيمەد مۇحامبەتوۆتىڭ العىس حاتىن تابىستاپ، اقىننىڭ يىعىنا شاپان جاپتى.

مەرەيتوي يەسىنە سەنات توراعاسى ماۋلەن اشىمباەۆتىڭ لەبىز حاتى دا تاپسىرىلدى.

كەشكە ارنايى كەلگەن قر جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت اقىلبەك شاياحمەت شىعارماشىلىعى حاقىندا  وي تولعادى.

«قوستانايعا قانشا كەلىپ جۇرسەم دە، اقىلبەكتى قانشا كورىپ جۇرسەم دە،  اساۋ ءبىر تولقىنعا قارسى جۇزگەن قايراتكەر قايسارلىقتى كورەمىن. ول جالعىزبىن دەگەن جوق. ارتىندا قالىڭ ەل بارىنا سەندى. كەيدە ماعان اقىلبەك مۇزجارعىش كەمە سياقتى كورىنەدى. توڭ مەن مۇزدى بۇزىپ-جارىپ ارتىنان جول سالىپ كەلەدى. ال ەندى ول جول اشىلعاننان كەيىن ول جولمەن ءجۇرۋ كەيىنگى تولقىنعا دا، ەل-جۇرتقا دا جەڭىل ەمەس پە؟ اقىننىڭ ادەبيەتتەگى، مادەنيەتتەگى، ۇلتتىق ءتىلدى ورنىقتىرۋداعى، ۇلتتىق مۇددەلەردى قورعاۋداعى جانكەشتى ەڭبەگى ەرەكشە. قايراتكەرلىگىڭىز ءۇشىن، قايتپايتىن، قاجىمايتىن، تالمايتىن قايسارلىعىڭىز ءۇشىن جانە وسىنداي ازاماتتى بەرگەن قوستاناي توپىراعى ءۇشىن ءبىز – بۇكىل قالامگەرلەر قاۋىمى قارىزدارمىز دەپ ەسەپتەيمىن. اقىلبەكتىڭ كەشە عانا بالالارعا ارنالعان كىشىلەۋ-كىشىلەۋ 20 كىتابى جارىق كوردى. بۇل از دۇنيە ەمەس. بيىل بالالار ادەبيەتىنىڭ جىلى. سوعان لايىقتى ۇلەسىن قوسىپ وتىر. ال ەندى وعان دەيىن شىعارعان كىتاپتارىنىڭ ءبارىن ەسەپتەگەن كەزدە 70 جىلدا 70 كىتابى شىققان ەكەن. ءبىر جاستان باستاپ كىتاپ شىعارا باستاعانسىڭ با دەپ ازىلدەيتىن سەبەبىمىز وسى. ءرۋميدىڭ ءسوزى بار: «مەن تالاي ادامدى كوردىم ۇستىندە كيىمى جوق، مەن تالاي كيىمدى كوردىم ىشىندە ادامى جوق»، دەيتىن. ول ومىردەن ادام ىزدەپ وتكەن عۇلامانىڭ بىرەۋءى. ال ەندى قوستاناي سياقتى تىڭ وڭىرىندە ءوز وقىرماندارىنىڭ، ءوز كەيىپكەرلەرىنىڭ ورتاسىندا ءبىزدىڭ ناعىز اۋىز تولتىرىپ ايتاتىنداي، اتى-ءجونىن التىن ارىپپەن جازاتىنداي ادامىمىز، اقىنىمىز، دراماتۋرگىمىز، اۋدارماشىمىز بار»، دەپ تەبىرەنە سويلەگەن وداق باسشىسى اقىننىڭ كەشىن رەسپۋبليكالىق دەڭگەيدە وتكىزۋگە اركەز اتسالىسۋعا دايىن ەكەنىن جەتكىزدى.

كەش  بارىسىندا الماتىدان كەلگەن اقىن قاسىمحان بەگمانوۆ، بەلگىلى اقىن، اۋدارماشىء ابجان ءابىلتاي،  قوستاناي وبلىسىنىڭ قۇرمەتتى ازاماتى سەرىكباي بيسەتاەۆ جانە باسقالار ساحنا تورىنە كوتەرىلىپ، جىلى لەبىزدەرءىن ايتتى. اقىننىڭ شىعارماشىلىعى، تۇلعالىق كەلبەتى تۋرالى تولعانىپ، قازىرگى ۋاقىتتا كۇللى رەسپۋبليكالىق باسىلىمداردا قالامگەر شىعارماشىلىعىنا ورىن بەرىلىپ، اتى ارداقتالىپ جاتقانىن ءسوز ەتتى.

الماتى وبلىسىنىڭ اكىمى اماندىق باتالوۆتىڭ قۇتتىقتاۋى مەن سىي-سياپاتىن الا كەلگەن جەتىسۋلىق مەيماندار دا اعىنان جارىلا تىلەك ايتتى.

قۇتتىقتاۋلار لەگى تولاستاي بەرگەندە مەرەيتوي يەسى ورتاعا شىعىپ، ءار كەزدەرى جازىلعان ولەڭدەرىن وقىدى.

اقىن ولەڭدەرىنە جازىلعان اندەردى ورىنداعان الماتى، قوستاناي وبلىستىق فيلارمونياسىنىڭ انشىلەرى شىعارماشىلىق كەشتىڭ شىرايىن اشا ءتۇستى.  

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار