كەزدەسۋ بارىسىندا تاراپتار اۋعانستانداعى قازىرگى جاعداي مەن ەكىجاقتى ىنتىماقتاستىق ماسەلەلەرىن تالقىلادى. ح. موحيب قازاقستاننىڭ اۋعان حالقىنا كورسەتكەن گۋمانيتارلىق جانە تەحنيكالىق كومەگى ءۇشىن العىسىن ءبىلدىردى.
ءوز كەزەگىندە م. تىلەۋبەردى «قازاقستان اۋعانستانعا ۇدايى جان-جاقتى كومەك كورسەتە وتىرىپ, ءسىزدىڭ ەلدەگى احۋالدى تۇراقتاندىرۋعا ارنالعان حالىقارالىق كۇش-جىگەردى ۇنەمى قولدايدى», دەپ مالىمدەدى.
اۋعانستان پرەزيدەنتى كەڭەسشىسىنىڭ ساپارى اياسىندا قازاقستاننىڭ بىرقاتار مەملەكەتتىك ورگاندارىنىڭ باسشىلىعىمەن كەزدەسۋلەر جوسپارلانعان. ىنتىماقتاستىقتىڭ ءتۇرلى سالالارىندا ەكىجاقتى كەلىسىمدەرگە قول قويىلادى دەپ كۇتىلۋدە.
