پارلامەنت • 16 ماۋسىم، 2021

سەناتورلار قىتاي پارلامەنتشىلەرىمەن ىنتىماقتاستىق تاقىرىبىن تالقىلادى

16 رەت كورسەتىلدى

قر پارلامەنتى سەناتىنىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە مۇشە دەپۋتاتتار بۇكىلقىتايلىق حالىق وكىلدەرى جينالىسىنىڭ اۋىل شارۋاشىلىعى جونىندەگى كوميسسيا مۇشەلەرىمەن ونلاين كەزدەستى، دەپ حابارلايدى Egemen.kz.

سەناتتاعى سالالىق كوميتەتتىڭ توراعاسى ءالي بەكتاەۆ قازاقستان رەسپۋبليكاسى مەن قىتاي حالىق رەسپۋبليكاسى اراسىندا ساياسي، ەكونوميكالىق جانە مادەني تىعىز ىنتىماقتاستىق جۇزەگە اسىپ كەلە جاتقانىن اتاپ ءوتتى.

«ەكى ەلدىڭ زاڭ شىعارۋشى ورگاندارى اراسىنداعى تۇراقتى بايلانىستار دوستىق قاتىناستاردى نىعايتۋدا ەرەكشە ءرول اتقارادى، بۇل پارلامەنتارالىق ىنتىماقتاستىقتى دامىتۋعا، زاڭ شىعارۋ قىزمەتىندە تاجىريبە الماسۋدى تەرەڭدەتۋگە ءوزارا مۇددەلىلىكتىڭ جوعارى ەكەندىگىن كورسەتەدى»، دەدى ءالي بەكتاەۆ.

دەپۋتات اقىلبەك كۇرىشباەۆ ءوز كەزەگىندە ارىپتەستەرىنە وڭىرلەردى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسى اياسىندا جۇزەگە اسىپ جاتقان اۋىلدىق اۋماقتاردى دامىتۋ جونىندەگى قازاقستاننىڭ ەسەبى تۋرالى ايتىپ بەردى. ول سونداي-اق اۋىل تۇرعىندارى ءۇشىن ارنايى «ەڭبەك» باعدارلاماسى بار ەكەنى، وندا كاسىپكەرلىك نەگىزدەرىنە تەگىن وقۋعا بولاتىنى، سونداي-اق ءوز بيزنەسى ءۇشىن گرانتتار مەن ميكروكرەديتتەر الا الاتىنى تۋرالى حاباردار ەتتى.

سەناتور دۇيسەنعازى مۋسين اۋىل شارۋاشىلىعىنىڭ دامۋى تۋرالى ايتىپ بەردى. ول اۋىلدىق جەرلەردە حالىقتىڭ شامامەن 42%-ى تۇراتىنىن اتاپ ءوتتى.

«اگروونەركاسىپ كەشەنىن دامىتۋدىڭ 2021 جىلعا دەيىنگى مەملەكەتتىك باعدارلاماسىنىڭ نەگىزگى ماقساتى اوك-دەگى ەڭبەك ونىمدىلىگى مەن وڭدەلگەن اۋىل شارۋاشىلىعى ونىمدەرىنىڭ ەكسپورتىن 5 جىل ىشىندە كەمىندە 2،5 ەسەگە ارتتىرۋ بولىپ تابىلادى»، دەپ اتاپ ءوتتى سەناتور دۇيسەنعازى مۋسين.

بۇكىلقىتايلىق حالىق وكىلدەرى جينالىسىنىڭ دەپۋتاتتارى ءوز كەزەگىندە كورشى ەلدەگى اۋىلدى دامىتۋ جانە كەدەيلىكتى جويۋ جونىندە جۇرگىزىلىپ جاتقان جۇمىستار تۋرالى ايتىپ بەردى. ءالي بەكتاەۆ كەزدەسۋدى قورىتىندىلاي كەلىپ، COVID-19 پاندەمياسىنىڭ ەكونوميكالىق زارداپتارىنا، سونداي-اق الەمدىك ەكونوميكاداعى قۇلدىراۋعا قاراماستان، ءبىزدىڭ مەملەكەتتەرىمىز جۇمىسپەن قامتۋداعى تۇراقتىلىقپەن حالىقتىڭ ءال-اۋقاتىن قامتاماسىز ەتۋ جونىندە قابىلداپ جاتقان شارالار جانە باسقا دا قولداۋ كورسەتۋ ىستەرى اۋىل تۇرعىندارىنىڭ ءومىر ءسۇرۋ ساپاسىن ارتتىرۋعا مۇمكىندىك بەرەتىنىن اتاپ ءوتتى.

سوڭعى جاڭالىقتار

جەڭىس داۋىسى

تاريح • بۇگىن، 23:43

سۋرەتشى ساياساتكەر

ونەر • بۇگىن، 23:17

تورتەۋ تۇگەل بولسا...

TOKYO2020 • بۇگىن، 23:10

ەل ەلەناعا ەلەڭدەپ ەدى...

TOKYO2020 • بۇگىن، 22:59

قايتا ورالعان قولجازبالار

ونەر • بۇگىن، 22:16

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار