ۇلتتىق ەكونوميكا مينيسترلىگى جوبالىق باسقارۋ دەپارتامەنتىنىڭ ديرەكتورى يلونا شۆارتسكوپف ورتالىق كوممۋنيكاتسيالار قىزمەتىندە وتكەن بريفينگتە سويلەگەن سوزىندە ۇكىمەتتىڭ جوبالىق باسقارۋدىڭ زاڭنامالىق نەگىزىن قالىپتاستىرۋ بويىنشا جۇمىس اياقتالعانىن جەتكىزدى. ۇلتتىق ەكونوميكا مينيسترلىگى ۋاكىلەتتى ورگان بولىپ بەلگىلەندى.
«مينيسترلىكتىڭ نەگىزگى مىندەتى – جوبالىق باسقارۋدىڭ ۇلتتىق جۇيەسىن قالىپتاستىرۋ جانە دامىتۋ. جۇيە مەملەكەتتىك باسقارۋدىڭ ءۇش دەڭگەيىن قامتيدى: جالپىۇلتتىق باسىمدىقتاردى ىسكە اسىرۋ ارقىلى ۇكىمەت دەڭگەيىندە پورتفەلدەردى باسقارۋ; مەملەكەتتىك جوسپارلاۋ جۇيەسىنىڭ قۇجاتتارىن ىسكە اسىرۋ ارقىلى مەملەكەتتىك ورگاندار دەڭگەيىندە باعدارلامالاردى باسقارۋ; جوبالاردى قۇرۋ جانە قىزمەتىن ۇيىمداستىرۋ ارقىلى جوبالىق كوماندالار دەڭگەيىندە باسقارۋ. جۇيە جوبالىق باسقارۋدىڭ بىرىڭعاي اقپاراتتىق جۇيەسىندە بىرىڭعاي زاڭنامالىق, نورماتيۆتىك-قۇقىقتىق جانە ادىسنامالىق نەگىزدە جۇمىس ىستەيدى, وندا ۇلتتىق دامۋ جوسپارىنىڭ بارلىق جالپىۇلتتىق باسىمدىقتارى بويىنشا جوبالىق كوماندالار ونلاين رەجيمىندە جۇمىس ىستەيدى. مەملەكەتتىك ورگاندار جۇمىسىندا جوبالىق ءتاسىلدى قولدانۋ يدەياسى بىرلەسكەن كوللابوراتسياعا, ءارتۇرلى مەملەكەتتىك ورگاندار, بيزنەس-قوعامداستىق وكىلدەرى, ساراپشىلار قوعامداستىعى, بەلسەندى ازاماتتار ءبىر جوبالىق كوماندا رەتىندە بىرلەسىپ جۇمىس ىستەگەن كەزدە كروسس فۋنكتسيونالدى كوماندالاردى ۇيىمداستىرۋعا باعىتتالعان», دەپ حابارلادى سپيكەر.
سوندىقتان بيىل قاتىسۋشىلار ساناتتارى كەڭەيتىلدى.
