قازاقستان • 15 ماۋسىم، 2021

قازاقستاندىقتاردىڭ قايىرىمدىلىققا دەگەن كوزقاراسى قانداي؟

27 رەت كورسەتىلدى

«رۋحاني جاڭعىرۋ» قازاقستاندىق قوعامدىق دامۋ ينستيتۋتى 2021 جىلدىڭ I توقسانىندا «قازاقستان رەسپۋبليكاسى جاعدايىنداعى قايىرىمدىلىق جۇيەسى» اتتى تالدامالىق بايانداماسىن دايىندادى، دەپ حابارلايدى Egemen.kz.

زەرتتەۋ ناتيجەلەرىنە سايكەس قازاقستاندىقتار قايىرىمدىلىققا وتە بەلسەندى جانە ازاماتتاردىڭ كوپشىلىگى (54،4%) قايىرىمدىلىققا وڭ كوزقاراسپەن قارايدى، مۇقتاج ادامدارعا كومەكتەسۋگە تىرىسادى.

ققدي اناليتيكالىق بايانداماسىندا قازاقستاندىقتاردىڭ باسىم بولىگى (46،9%) قايىرىمدىلىقتى كومەكتىڭ كەز كەلگەن وتەۋسىز ءتۇرى رەتىندە تۇسىنەتىنى اتاپ وتىلگەن. الەۋمەتتىك زەرتتەۋ ناتيجەلەرىن تالداۋ بارىسىندا قازاقستاندىقتار اراسىندا قايىرىمدىلىقتىڭ باسىم تۇرلەرىنىڭ توپ-3 رەيتينگى قالىپتاستى. رەيتينگتى جەتىم بالالار، سونىمەن قاتار اۋىر ناۋقاس بالالار مەن مۇگەدەك بالالار باسقارادى (44،1%).

قايىرىمدىلىق جاساۋشىلار اقشالاي قاراجاتتى تىكەلەي مۇقتاج ادامدارعا بەرۋ ارقىلى قايىرىمدىلىق جاساۋدى ءجون كورەدى. 2021 جىلدىڭ قورىتىندىسى بويىنشا مۇنداي ازاماتتار 35،2%-ى قۇرايدى. كوپشىلىك، اتاپ ايتقاندا 45،9%، ءار ادام ءوزىنىڭ مۇمكىندىگىنە قاراي قايىرىمدىلىقپەن اينالىسۋى كەرەك ەكەنىنە سەنىمدى. سونىمەن قاتار، ساۋالناماعا قاتىسقان قازاقستاندىقتاردىڭ 42،3%-ى تابىسى قازىرگىدەن جوعارى بولعان كەزدە قايىرىمدىلىققا كوبىرەك جۇمساۋ مۇمكىندىگىن اتاپ ءوتتى. ازاماتتاردىڭ قايىرىمدىلىقپەن اينالىسۋىنا كەدەرگى كەلتىرەتىن نەگىزگى سەبەپ - قارجىلىق مۇمكىندىكتىڭ بولماۋى - 52،5%، ال وتكەن جىلى بۇل كورسەتكىش رەيتينگتىڭ سوڭىنا قاراي ورنالاسقان.

«ەكى ولشەمنىڭ ناتيجەلەرى قايىرىمدىلىقپەن اينالىسۋ حالىقتىڭ قارجىلىق جاعدايى مەن ءومىر ءسۇرۋ ساپاسىنا تىكەلەي بايلانىستى ەكەنىن كورسەتەدى. باسقاشا ايتقاندا، ادام ءوزى قارجىلىق جاعىنان ەركىن بولعان كەزدە مۇقتاج ادامدارعا كومەك كورسەتۋگە دايىن»، - دەلىنگەن «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ تالداۋ بايانداماسىندا.

الەۋمەتتىك ساۋالناما ناتيجەلەرى بويىنشا رەسپوندەنتتەر مۇقتاج ادامدارعا نەگىزىنەن زاتتاردى، ازىق-ت ۇلىكتى، تاۋارلاردى بەرۋگە قاتىسقان (37،8%). زاتتار مەن ازىق-ت ۇلىك بەرۋ اقشالاي قايىرىمدىلىققا (27،4%) قاراعاندا كوبىرەك ورىن الادى.

تالدامالىق باياندامادا قازىرگى ۋاقىتتا قازاقستاندا حالىق ءۇشىن ءىرى ونەركاسىپتىك كاسىپورىندار، ورتا جانە شاعىن بيزنەس، ۇكىمەتتىك ەمەس ۇيىمدار جانە وزگە دە قوعامدىق بىرلەستىكتەر ەمەس، مەملەكەت (60%) الەۋمەتتىك قولداۋدىڭ نەگىزگى كوزى بولىپ تابىلاتىنى اتاپ ءوتىلدى.

بۇگىنگى تاڭدا مەملەكەت پەن قوعام بيزنەستەن الەۋمەتتىك بەلسەندىلىكتى كۇتۋدە. ساۋالناما دەرەكتەرى بويىنشا رەسپوندەنتتەردىڭ 59،9%-ى قازاقستاندىق كومپانيالار وزدەرى جۇمىس ىستەيتىن جەرگىلىكتى قوعامداستىقتارعا قولداۋ كورسەتۋى ءتيىس دەپ سانايدى. رەسپوندەنتتەردىڭ كوپشىلىگىنىڭ پىكىرى بويىنشا (59،9%) كاسىپكەرلەر پايدانىڭ بەلگىلى ءبىر بولىگىن قايىرىمدىلىققا بەرۋى كەرەك. سونداي-اق، رەسپوندەنتتەردىڭ كوپشىلىگى ءۇشىن (72،3%) «كورپوراتيۆتىك قايىرىمدىلىق» ۇعىمى تانىس ەمەس ەكەنىن اتاپ وتكەن ءجون. سونىمەن قاتار، 47،2% قايىرىمدىلىق ۇيىمدارىنا سەنىم ءبىلدىردى.

الەۋمەتتىك زەرتتەۋ ناتيجەلەرىنە سايكەس، «2021 جىلى ساۋالناماعا قاتىسۋشىلاردىڭ كوپشىلىگى حالىقتىڭ قورعالماعان توپتارىنا كومەك كورسەتۋدى جون كورەدى – 49،2%. قايىرىمدىلىقتىڭ ەڭ قالاۋلى ءتۇرى «تىكەلەي اقشالاي نەمەسە م ۇلىكتىك كومەك» بولدى - 49،6%. زەرتتەۋ ناتيجەلەرىن تالداۋ بارىسىندا رەسپوندەنتتەر قايىرىمدىلىقتىڭ وسى تۇرىنە سەنەتىنىن جانە قاتىساتىنىن حابارلادى»، دەپ ققدي ءوزىنىڭ بايانداماسىن قورىتىندىلايدى.

جۇرگىزىلگەن زەرتتەۋ قورىتىندىسى بويىنشا مەملەكەتتىك ورگاندارعا قايىرىمدىلىقتى ينستيتۋتتاندىرۋ جانە وسى سەكتوردىڭ تۇراقتى ينفراقۇرىلىمىن قۇرۋ جونىندە ۇسىنىمدار بەرىلدى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار