ەكولوگيا • 15 ماۋسىم، 2021

2 ملرد اعاش وتىرعىزۋعا 82 ملرد تەڭگە بولىنەدى

28 رەت كورسەتىلدى

ەكولوگيا، گەولوگيا جانە تابيعي رەسۋرستار ۆيتسە-ءمينيسترى ءاليا شالابەكوۆانىڭ قاتىسۋمەن بريفينگ ءوتتى، دەپ حابارلايدى Egemen.kz.

وندا جۇرتشىلىققا ەلىمىزدىڭ ورمان قورىندا 5 جىل ىشىندە 2 ملرد اعاش وتىرعىزۋ بويىنشا جوبانى ىسكە اسىرۋ بارىسى تۋرالى حاباردار ەتىلدى. بۇل اۋقىمدى جوبا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا جۇزەگە اسىرىلۋدا.

جوبانى ىسكە اسىرۋ شەڭبەرىندە قر ەگترم وبلىستاردىڭ اكىمدىكتەرىمەن بىرلەسىپ 2021-2025 جىلدارعا ارنالعان ورمانداردى مولىقتىرۋ مەن ورمان ءوسىرۋدىڭ كەشەندى جوسپارلارىن ازىرلەدى.

وسىنداي كەشەندى جوسپارلار تابيعاتتى قورعاۋ مەكەمەلەرى مەن وشجدك ۆەدومستۆولىق باعىنىستى ۇيىمدارىندا ازىرلەندى.

جوسپاردا وبلىس اكىمدىكتەرىنىڭ، ەرەكشە قورعالاتىن تابيعي اۋماقتاردىڭ، ورمان پايدالانۋشىلاردىڭ، حالىقارالىق دونورلاردىڭ، تابيعات پايدالانۋشىلاردىڭ جانە وزگە دە باستاماشىل توپتاردىڭ كۇشىمەن ورمان وتىرعىزۋ كوزدەلگەن.

ورمانداردى مولىقتىرۋ مەن ورمان ءوسىرۋ جونىندەگى ءىس-شارالار، ونىڭ ىشىندە وبلىستار بويىنشا اعاش وتىرعىزۋ كولەمدەرى عىلىمي ۇسىنىمدار مەن ورمان ءوسىرۋ تالاپتارىنا سايكەس جوسپارلانعانىن اتاپ وتكەن ءجون.

2 ملرد اعاشتىڭ ىشىندە سەكسەۋىل (شامامەن 610 ملن دانا)، قاراعاي (555 ملن دانادان استام)، ۇيەڭكى (193 مملن دانادان استام)، شەگىرشىن (132 ملن دانادان استام)، قايىڭ (100 ملن دانادان استام) جانە باسقا دا تۇقىمدار وتىرعىزۋ جوسپارلانۋدا.

اعاشتاردىڭ باسىم بولىگىن اكىمدىكتەردىڭ كۇشىمەن (1 539،7 ملن.دانا) وتىرعىزۋ جوسپارلانۋدا، ورمان پايدالانۋشىلار مەن حالىقارالىق دونورلاردىڭ ۇلەسىنە تيىسىنشە 208،5 ملن دانا، كلحجم ۆەدومستۆولىق باعىنىستى ۇيىمدارىنىڭ ۇلەسىنە – 251،8 ملن دانا اعاش كەلەدى.

جوبانى قارجىلاندىرۋ ءۇشىن 5 جىل ىشىندە رەسپۋبليكالىق بيۋدجەتتەن 22،4 ملرد تەڭگە، جەرگىلىكتى بيۋدجەتتەردەن 60 ملرد تەڭگە ءبولۋدى تالاپ ەتەدى.

بريفينگ بارىسىندا سپيكەر ەلىمىزدىڭ ورمان قورىن ءتيىمدى قورعاۋعا جانە دامىتۋعا ىقپال ەتەتىن جاڭا جوبانى ىسكە اسىرۋ تۋرالى حابارلادى.

قازىرگى ۋاقىتتا ورمان ەكپەلەرىن وتىرعىزۋ مونيتورينگى جانە باقىلاۋ بويىنشا ينتەراكتيۆتى كارتا قۇرۋ ماسەلەسى پىسىقتالۋدا.

بۇگىنگى تاڭدا ورمان ورتتەرىن، ورمان قورىنداعى زاڭسىز اعاش كەسۋ مەن قۇرىلىستاردى باقىلاۋ پلاتفورماسى جۇمىس ىستەيدى. ونىڭ اياسىندا ينتەراكتيۆتى كارتانى ەنگىزۋ جوسپارلانعان.

بۇل كارتا كەلەسىدەي مۇمكىندىكتەر بەرەدى:

- ورمان القاپتارىنىڭ تسيفرلىق كارتالارى نەگىزىندە ورمان مەكەمەلەرىنىڭ ورامدىق جەلىسىنە بايلانىستىرا وتىرىپ، قۇرىلعان ورمان ەكپەلەرىنىڭ ۋچاسكەلەرى، الاڭدارى جانە تۇقىمدىق قۇرامىن انىقتاۋعا;

- 5 جىلدىق كەزەڭگە ارنالعان ىقتيمال ورمان وتىرعىزۋ ۋچاسكەلەرىن باقىلاۋعا.

ينتەراكتيۆتى كارتاعا، ونىڭ ىشىندە ءموبيلدى قۇرىلعىلار ارقىلى تاۋلىك بويى قول جەتكىزۋ مۇمكىندىگى كوزدەلەتىن بولادى.

بۇل جوبا قارجى مينيسترلىگى تاراپىنان قولداۋ تاۋىپ وتىر.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار