ماسەلەن الەۋمەتتىك جەلىگە مونيتورينگ جۇرگىزۋ كەزىندە پوليتسەيلەر, Instagram پاراقشالارىنىڭ بىرىندە جول جيەگىندە مايمىلدىڭ ەلەكتر باعاناسىنىڭ ۇستىنە شىعىپ كەتىپ, تۇسە الماي تۇرعانى تۇسىرىلگەن بەينەجازبانى انىقتادى.
بۇل بەينەجازبا بويىنشا سارىاعاش اۋداندىق پوليتسيا ءبولىمىنىڭ پوليتسەيلەرى بىردەن تەكسەرۋ جۇمىستارىنا جۇمىلدىرىلدى. اتقارىلعان شارالاردىڭ ناتيجەسىندە وقيعا سارىاعاش قالاسىنداعى كوشەلەردىڭ بىرىندە ورىن العانى بەلگىلى بولدى.
مايمىلدىڭ يەسى سارىاعاشتىق تۇرعىن بولىپ شىقتى. ونىڭ ايتۋىنشا, اتالمىش جانۋاردى تاسىمالداپ بارا جاتقاندا, ابايسىزدا توردان شىعىپ كەتكەن.
كەيىن ونى بيىكتەن ءتۇسىرۋ ماقساتىندا پنەۆماتيكالىق قارۋمەن بىرنەشە رەت اۋاعا اتىپ, جەرگە تۇسىرگەن.
قازىرگى تاڭدا سارىاعاش اپب قىزمەتكەرلەرى مايمىلدىڭ يەسىنىڭ جاساعان ءىس-ارەكەتى بويىنشا زەردەلەپ, ءتيىستى قۇجاتتارىن تەكسەرىپ, جاۋاپكەرشىلىگىن قاراۋدا.
