دەنساۋلىق ساقتاۋ ءمينيسترى الەكسەي تسوي حالىقتى ۆاكتسينالاۋ بارىسى مەن قازىرگى جاعداي تۋرالى باياندادى.
قازاقستانداعى سانيتارلىق-ەپيدەميولوگيالىق جاعداي جاقسارىپ كەلەدى. ەلىمىز COVID-19 تارالۋ قارقىنى بويىنشا «جاسىل» ايماقتا ورنالاسقان. ۆيرۋستىڭ رەپرودۋكتيۆتىك يندەكسى 0,9, ينفەكتسيالىقتوسەك-ورىن جۇكتەمەسى 23%-دى, رەانيماتسيالىق توسەك-ورىن جۇكتەمەسى 21%-دى قۇرايدى.
«قىزىل ايماقتا» نۇر-سۇلتان قالاسى, «سارى ايماقتا» اتىراۋ, باتىس قازاقستان جانە قاراعاندى وبلىستارى ورنالاسقان. قالعان 13 ءوڭىر – «جاسىل ايماقتا».
بۇگىنگى تاڭدا 2,5 ملن-نان استام ادام ءبىرىنشى كومپونەنتتى, 1,4 ملن-نان استام ادام ەكىنشى كومپونەنتتى الدى.
ۇكىمەت باسشىسى دەنساۋلىق ساقتاۋ مينيسترلىگى مەن اكىمدىكتەرگە سانيتارلىق-ەپيدەميولوگيالىق جاعدايدى باقىلاۋدا ۇستاۋدى, نۇر-سۇلتان قالاسىنىڭ اكىمدىگىنە سانيتارلىق-ەپيدەميولوگيالىق شارالاردى ساقتاۋعا جانە حالىقتى ۆاكتسينالاۋعا ەرەكشە نازار اۋدارۋدى تاپسىردى.
«ماسكا تاعۋ رەجيمى, اسىرەسە, عيمارات ىشىندە ساقتالادى. مونيتورينگتىك توپتار جۇمىستى جانداندىرسىن. ايماقتاعى كورشىلەرىمىزدە اۋرۋدىڭ ءوسۋى بايقالادى, سوندىقتان قوسىمشا الدىن الۋ شارالارىن قابىلداۋ قاجەت. ەڭ الدىمەن, ۆاكتسينامەن قامتۋدى كەڭەيتۋ قاجەت. ۆاكتسينالاۋدىڭ كۇندەلىكتى كولەمىن ارتتىرعان جءون», دەدى ا. مامين.
پرەمەر-مينيستر «Ashyq» قوسىمشاسىن ودان ءارى ەنگىزۋدى, اقپاراتتىق-ءتۇسىندىرۋ جۇمىستارىن كۇشەيتۋدى جانە حالىقتى ۆاكتسينالاۋعا ىنتالاندىرۋدىڭ پارمەندى تەتىكتەرىن ازىرلەۋدى تاپسىردى.
