وبلىستىق پوليتسيا دەپارتامەنتى ءباسپاسوز قىزمەتىنەن ءمالىم ەتكەندەي, 13 ماۋسىمدا قۇلسارى قالاسىنىڭ ورتالىق كوشەسىندە ەكى ادام قوزعالىپ بارا جاتقان كولىكتىڭ تەرەزەسىنەن دەنەسىن شىعارىپ, تۋ ۇستاپ تۇرعان.
«جولدا ءجۇرۋ ەرەجەسىن ساقتاماعاندار جىلىوي اۋداندىق پوليتسيا ءبولىمىنىڭ جەدەل باسقارۋ ورتالىعىنىڭ بەينەكامەراسىنا تۇسكەن. ۆيدەودا ەكى ازاماتتىڭ كولىك تەرەزەسىنەن دەنەسىن شىعارىپ, مەملەكەتتىك تۋدى ۇستاپ تۇرعانىن كورۋگە بولادى. وسىعان وراي پاترۋلدىك پوليتسيا قىزمەتكەرلەرى «Toyota Ipsum» كولىگىنىڭ جۇرگىزۋشىسى مەن ەكى جولاۋشىعا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 593-ءشى جانە 619-بابىمەن اكىمشىلىك حاتتامالار تولتىردى», دەپ حابارلادى دەپارتامەنتتىڭ ءباسپاسوز قىزمەتى.
