بۇل تۋرالى ميزورام شتاتىنىڭ باس ءمينيسترى Twitter-پاراقشاسىندا جاريالادى.
«بۇگىن الەمدەگى ەڭ ۇلكەن وتباسىنىڭ وتاعاسى زيونا چانا قايتىس بولدى. ونىڭ وتباسى تۇراتىن اۋىل شاتىمىزدىڭ باستى تۋريستىك ورىنداردىڭ ءبىرى بولاتىن. جاتقان جەرىڭ جايلى بولسىن», دەلىنگەن ءمينيستردىڭ مالىمدەمەسىندە.
زيونا چانا, پوليگاميا تاجىريبەسىن ۇستاناتىن ءدىني سەكتانىڭ جەتەكشىسى. 13 ماۋسىمدا تۇندە قايتىس بولعان. ونىڭ 39 ايەلى, 89 بالاسى جانە 36 نەمەرەسى بار.
ەر ادام قانت ديابەتى مەن گيپەرتونيادان زارداپ شەككەن. دارىگەرلەر چانانىڭ جاعدايى باكتانگ تلانگنۋام اۋىلىنداعى ۇيىندە ناشارلاعانىن ايتتى. جەكسەنبىدە كەشكە ول اۋرۋحاناعا جەتكىزىلىپ, سول جەردە قايتىس بولعان.
چانا 1945 جىلى 21 شىلدەدە دۇنيەگە كەلگەن. ول العاش رەت 17 جاسىندا ۇيلەندى, ايەلى زاتيانگا ودان ءۇش جاس ۇلكەن ەدى. وتباسىندا 200-دەن اسا ادام بولدى. چانانىڭ وتباسى الەمدەگى ەڭ ۇلكەن وتباسى رەتىندە گيننەستىڭ رەكوردتار كىتابىنا ەنگەن.
چانا جانە ونىڭ وتباسى تۇراتىن ءۇندىستاننىڭ سولتۇستىك-شىعىسىنداعى اۋىل تۋريستەردىڭ قىزىعۋشىلىعىن تۋدىراتىن ەرەكشە ورىن سانالعان. باكتانگ زيونا اۋىلىندا ءتورت قاباتتى ءۇي سالىنعان, وندا 100 بولمە جانە 17 جۋىناتىن بولمە بار. ءار بولمەدە 3-4 ادامنان تۇرادى.
