بۇل تۋرالى ءالجيردىڭ رەسمي تەلەديدارى تاۋەلسىز ۇلتتىق سايلاۋ ورگانىنا (ANIE) سىلتەمە جاساپ حابارلاعان. الجير پارلامەنتىنىڭ تومەنگى پالاتاسى 407 ورىنعا يە. پارلامەنتتىڭ تومەنگى پالاتاسىندا 22 مىڭنان استام كانديدات ماندات الۋعا ۇمىتكەر.
داۋىس بەرۋدى 13 مىڭ سايلاۋ ۋچاسكەسىندە 18:00-گە دەيىن وتكىزۋ جوسپارلانعان بولاتىن. بۇل ۋچاسكەلەردە بارلىعى 61 543 سايلاۋ جاشىگى ورناتىلدى. الايدا سايلاۋشىلاردىڭ از كەلۋىنە بايلانىستى داۋىس بەرۋ پروتسەسى ەكى ساعاتقا ۇزارتىلدى.
ANIE باسشىسى مۇحاممەد شەرفيدىڭ ايتۋىنشا, داۋىس بەرۋدىڭ رەسمي ناتيجەلەرىن جاريالاۋ زاڭمەن رۇقسات ەتىلگەن 96 ساعاتقا سوزىلۋى مۇمكىن, ويتكەنى قازىرگى سايلاۋشىلاردى ساناۋ پروتسەسى بۇرىنعى سايلاۋلارعا قاراعاندا «وزگەشەلەۋ».
2019 جىلعى جاپپاي نارازىلىقتار اياسىندا پرەزيدەنت ابدەلازيز بۋتەفليكا قىزمەتتەن كەتۋگە ءماجبۇر بولدى, سودان كەيىن افريكا ەلىندە بىرقاتار قايتا قۇرۋلار جۇرگىزىلدى. اتاپ ايتقاندا, پرەزيدەنت سايلاۋى وتكىزىلىپ, جاڭا كونستيتۋتسيا قابىلدانعان بولاتىن.
قازىرگى بيلىك ەلدەگى وتپەلى پروتسەستىڭ ءالى دە جالعاسىپ جاتقاندىعى تۋرالى ءجيى مالىمدەمەلەر جاسايدى, بىراق وپپوزيتسيا رەفورمالاردى «كوسمەتيكالىق» دەپ سىناپ تۇرادى.
