شقو قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ەرەكشە رەجيمدەگى كولونيا قىزمەتكەرلەرى ءتارتىپ ساقشىلارىمەن بىرلەسىپ «قارۋ» جەدەل الدىن الۋ شاراسىن جۇرگىزۋدە.
شارا بارىسىندا ولار وسكەمەن قالاسىنىڭ 44 جاستاعى تۇرعىنىنان قالام تەكتەس قولدان جاسالعان اتىس قارۋىن تاركىلەدى.
«دەپارتامەنت ماماندارى مەن پوليتسيا قىزمەتكەرلەرىنىڭ ۇيلەسىمدى ارەكەتىنىڭ ناتيجەسىندە ازاماتتان ادەيى قالامعا ۇقساس قىلىپ جاسالعان, شاعىن كاليبرلى پاترونمەن اتۋعا جارامدى قارۋ تاركىلەندى. اتالعان فاكتى بويىنشا باليستيكالىق ساراپتاما تاعايىندالدى», دەدى شقو قاج دەپارتامەنتىنىڭ باستىعى جانبولات قالەتاەۆ.
