رۋحانيات • 11 ماۋسىم، 2021

كوكشەتاۋدا تاۋەلسىزدىكتىڭ 30 جىلدىعىنا وراي جىلجىمالى كورمە اشىلدى

اقمولا وبلىسى مادەنيەت، ارحيۆتەر مەن قۇجاتتامالار باسقارماسىنا قاراستى مالىك عابدۋللين مۋزەيىندە قر تاۋەلسىزدىگىنىڭ 30 جىلدىعى مەن «ابىلاي حاننىڭ 310 جىلدىعىنا ارنالعان «تاۋەلسىزدىك تۋىن بيىك كوتەرگەن – ابىلاي حان» اتتى جىلجىمالى كورمەنىڭ سالتاناتتى اشىلۋى ءوتتى، دەپ حابارلايدى Egemen.kz مەكەمەنىڭ ءباسپاسوز قىزمەتىنە سىلتەمە جاساپ.

ايىم ءداۋىت

«كوكشەتاۋ – قازاستاننىڭ مادەني استاناسى» جول كارتاسى اياسىندا پەتروپاۆل قالاسىنداعى «ابىلاي حان رەزيدەنتسياسى» مۋزەي كەشەنى ۇسىنعان كورمە اقمولا وبلىسى اكىمىنىڭ ورىنباسارى اينا ءمىسىرالىموۆا جانە جازۋشى، درامماتۋرگ، «تىرشىلىك» جشس ديرەكتورى جابال ەرعاليەۆتىڭ قۇتتىقتاۋ سوزىمەن باستالدى.

ءۇش ءجۇزدىڭ باسىن قوسقان، قازاق تاريحىنداعى ۇلى مەملەكەت قايراتكەرى ابىلاي حان مەن اتىعاي قاراۋىلدىڭ بەتكە ۇستار ءبيى قاناي شەشەن اراسىنداعى دوستىق پەن سەلكەۋ تۇسپەگەن سەنىمدىلىك كەشەگى تاريح بەتتەرىندە تاڭبالانىپ جازىلىپ قالدى. قاناي شەشەن قازاق حالقىنىڭ قاھارمان ۇلى، مەملەكەت جانە قوعام قايراتكەرى مالىك عابدۋلليننىڭ توعىزىنشى اتاسى.

«ەسىل-كوكشە ءوڭىرىنىڭ تۇپكى تاريحى ءبىر-بىرىمەن بىتە قايناسىپ جاتقان، تالاي ۇلىلاردى دۇنيەگە اكەلگەن قاراعايلى-قاسيەتتى مەكەن. قوس تۇلعالىق مۋزەيدى بايلانىستىراتىن اتاقتى تۇلعا ابىلاي حاننىڭ ءومىرى مەن قىزمەتىنە ارنالعان «تاۋەلسىزدىك تۋىن بيىك كوتەرگەن ابىلاي حان» اتتى كورمەمەن ەكسكۋرسوۆود نازگۇل بەيسەنبينا تانىستىردى»، دەدى اقمولا وبلىسى مادەنيەت، ارحيۆتەر مەن قۇجاتتامالار باسقارماسىننىڭ ءباسپاسوز حاتشىسى.

ءىس-شاراعا كوكشەلىك زيالى قاۋىم جانە بۇقارالىق اقپارات قۇرالدارىنىڭ وكىلدەرى قاتىستى.

جىلجىمالى كورمە ماۋسىمنىڭ 11-25 كۇندەرى ارالىعىندا جۇمىس ىستەيدى.