«پرەزيدەنتتىڭ ساياسي رەفورمالارىنىڭ اياسىندا جاريالانعان ءبىرىنشى پاكەت تولىق جۇزەگە اسىرىلعان بولاتىن. سونىڭ اياسىندا 8 زاڭ قابىلداندى. ونىڭ ىشىندەگى ەڭ ۇلكەن زاڭداردىڭ ءبىرى – جيىندار تۋرالى زاڭ بولاتىن. بۇل زاڭنىڭ قابىلدانعانىنا ءبىر جىلدان استى. سول ءبىر جىلدىڭ ىشىندە بەيبىت جيىندار مەن ميتينگىلەر تۋرالى زاڭ قالاي جۇمىس ىستەدى؟
جاقىندا عانا ساراپشىلارمەن وسى ماسەلەنى تالقىلاعانبىز. سول كەزدە ساراپشىلار بۇل زاڭنىڭ ءىس جۇزىندە قانداي وزگەرىستەر الىپ كەلگەنىن ايتتى. بايقاساڭىزدار, ءارتۇرلى قوعامدىق توپتار ەمىن-ەركىن بەيبىت جيىندار وتكىزۋ قۇقىعىنا يە بولىپ, ۇلكەن قالالاردىڭ ورتالىقتارىندا جيىندار ءوتىپ جاتىر», دەدى ەرلان قارين ۇلتتىق كەڭەستىڭ ەكى جىلداعى جۇمىسى تالقىلانعان جيىندا.
سونداي-اق, ول اتالمىش زاڭنامالىق وزگەرىس ەلىمىزدەگى ساياسي ءپليۋراليزمنىڭ دامۋىنا, بەلسەندى ازاماتتىق جانە قوعامدىق توپتاردىڭ ءوز ماسەلەلەرىن ورتاعا شىعارىپ تالقىلاۋىنا مۇمكىندىك بەرگەنىن اتادى.
