تاراپتار ساۋدا-ەكونوميكالىق, قارجى-ينۆەستيتسيالىق, كولىك-لوگيستيكالىق, اگروونەركاسىپ, ەنەرگەتيكا جانە باسقا دا سالالارداعى ىنتىماقتاستىقتىڭ جاي-كۇيى مەن پەرسپەكتيۆالارىن تالقىلادى.
قر پرەمەر-ءمينيسترى قازاقستان رەسپۋبليكاسى مەن بىرىككەن اراب امىرلىكتەرى اراسىنداعى ستراتەگيالىق ىنتىماقتاستىقتىڭ جوعارى دەڭگەيىن اتاپ ءوتتى. 2021 جىلدىڭ 4 ايىندا قر مەن ءباا اراسىنداعى ءوزارا تاۋار اينالىمى $276 ملن قۇرادى, بۇل وتكەن جىلدىڭ سايكەس كەزەڭىندەگى كورسەتكىشتەن 13,1%-عا ارتىق. قازاقستاننان ءباا-گە ەكسپورت كولەمى 38,7%-عا ارتىپ, $247,8 ملن جەتتى. 2020 جىلى قارجى جانە كاپيتال نارىقتارىنىڭ بۇرىن-سوڭدى بولماعان قىسقارۋىنا قاراماستان, ءباا-دەن قازاقستان ەكونوميكاسىنا تىكەلەي شەتەلدىك ينۆەستيتسيالار كولەمى 12,3%-عا ارتىپ, $181,7 ملن قۇرادى.
قر پرەمەر-ءمينيسترى ءباا ۇكىمەتىنىڭ ازىق-ت ۇلىك قاۋىپسىزدىگىن قامتاماسىز ەتۋگە باسا نازار اۋداراتىنىن ەسكەرە وتىرىپ, ىنتىماقتاستىقتىڭ باسىم باعىتى اوك سالاسىنداعى جوبالاردى بىرلەسىپ ىسكە اسىرۋ ەكەنىن اتاپ ءوتتى. ۇكىمەت باسشىسى قازاقستان الەمدەگى ەڭ پەرسپەكتيۆالى اوك ونىمدەرىن وندىرۋشىلەردىڭ ءبىرى ەكەنىن اتاپ ءوتتى.
2020 جىلدىڭ قورىتىندىسى بويىنشا the Economist Intelligence Unit رەيتينگىندە قازاقستان ازىق-ت ۇلىك قاۋىپسىزدىگى دەڭگەيى بويىنشا 113 ورىننىڭ ىشىنەن 32-ورىندى الىپ, 2019 جىلمەن سالىستىرعاندا ءوز پوزيتسياسىن 16 تارماققا جاقسارتتى. قر مەن ءباا بىرلەسكەن ينۆەستيتسيالىق جوبالارى قوسىلعان قۇنى جوعارى, سونداي-اق پارسى شىعاناعى ەلدەرىندە زور سۇرانىس الەۋەتى بار جاڭا وندىرىستەردى قۇرۋدى كوزدەيدى.
ولاردى ىسكە اسىرۋ قازاقستاندا جاڭا ساپالى جۇمىس ورىندارىن قۇرۋعا, وزىق تەحنولوگيالار مەن ءىس-تاجىريبەنى ەنگىزۋگە مۇمكىندىك بەرەدى. بۇل رەتتە قر ءباا جۇزەگە اسىرىپ جاتقان 2051 جىلعا دەيىنگى ازىق-ت ۇلىك قاۋىپسىزدىگى ستراتەگياسىنىڭ ماڭىزدى بۋىنىنا اينالادى, ال بۇل ەكى ەل اراسىنداعى ينۆەستيتسيالىق ىنتىماقتاستىقتى ودان ءارى ارتتىرۋعا ىقپال ەتەدى.
ءباا دەلەگاتسياسىنىڭ قر-عا ساپارى ناتيجەسىندە قۇس فابريكالارىن («Alel Agro» جانە «Al Dahra Holding»), ءسۇت-تاۋار فەرمالارىن («Dinara Group» جانە «Al Dahra Holding») سالۋ, سيىر جانە قوي ەتىن ءوندىرۋ («Nurym Group» جانە «Al Dahra Holding»), جەمىستەردى ءوندىرۋ جانە قايتا وڭدەۋ («Amal Bio» جانە «Al Dahra Holding»), بالىق ءوسىرۋ جانە قايتا وڭدەۋ («Fish Farm»), استىق داقىلدارىن ءوندىرۋ جانە قايتا وڭدەۋ («Olzha Agro» جانە «Al Dahra Holding») ءتارىزدى باعىتتار بويىنشا جوبالاردى دايىنداۋ جانە ىسكە اسىرۋ بويىنشا جۇمىستار جۇرگىزىلۋدە.
كەلىسسوز قورىتىندىسى بويىنشا «قازاقستان تەمىر جولى» ۇك» اق مەن «DP World» كومپانياسى اراسىندا قازاقستاننىڭ جۇك اعىنىن ارتتىرۋ جانە كولىك-لوگيستيكالىق ينفراقۇرىلىمىن دامىتۋداعى ىنتىماقتاستىقتى كوزدەيتىن نيەتتەستىك تۋرالى حاتتاماعا قول قويىلدى.
كەزدەسۋگە ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى – احقو باسقارۋشىسى قايرات كەلىمبەتوۆ, اۋىل شارۋاشىلىعى ءمينيسترى ساپارحان وماروۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, «قازاقستان تەمىر جولى» ۇك» اق باسقارما توراعاسى نۇرلان ساۋرانباەۆ, «Kazakh Invest» اق باسقارما توراعاسى مەيىرجان يۋسۋپوۆ, قازاقستاننىڭ تىكەلەي ينۆەستيتسيالار قورىنىڭ باسقارما توراعاسى نۇرلان جاقىپوۆ, قر-نىڭ ءباا-دەگى ەلشىسى ماديار مەڭىلبەكوۆ جانە ت. ب. قاتىستى.
