ايماقتار • 11 ماۋسىم، 2021

جەدەل جاردەم باسشىلىعى جەكە قورعانىس قۇرالدارىن بازارعا ساتقان

11 رەت كورسەتىلدى

الماتى قالاسىنىڭ دەنساۋلىق ساقتاۋ باسقارماسى جەدەل جاردەم جۇمىسىنان كوپتەگەن كەمشىلىكتىڭ تابىلعانىن ايتتى، دەپ حابارلايدى Egemen.kz zakon.kz-كە سىلتەمە جاساپ.

ءساۋىر ايىندا الماتى جەدەل جاردەمىنىڭ باسشىلىعى جەكە قورعانىس قۇرالدارىن قارا بازارعا ساتقانى تۋرالى مالىمەت شىقتى. سول كەزدە دەنساۋلىق ساقتاۋ باسقارماسى كوميسسيالىق تەكسەرۋ كەيبىر قىزمەتكەرلەردىڭ جۇمىسىندا بىرقاتار زاڭ بۇزۋشىلىقتاردى انىقتاعانىن جانە جەدەل جاردەمدى الماتى پروكۋراتۋراسى تەكسەرەتىنىن ايتتى. الايدا قاداعالاۋ ورگانى بۇل اقپاراتتى جوققا شىعاردى. 

الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنباەۆتىڭ ايتۋىنشا، الماتى اكىمدىگى تەكسەرۋ جۇرگىزۋدى تاپسىرعان. كوميسسياعا جەرگىلىكتى دەپۋتاتتىق كورپۋس، قالالىق دەنساۋلىق ساقتاۋ، اكىمدىك، مەديتسينالىق ۇيىمدار مەن جەدەل جاردەم ماماندارى كىردى. ولار ليتسەنزيالىق قىزمەتتە، ءىس جۇرگىزۋدە، شتاتتىق قۇرىلىمدا، كادر قىزمەتىندە، قارجىلىق ەسەپ بەرۋ شارتتارىندا، مەديتسينالىق تەحنيكانى باسقارۋ جۇيەسىن جۇرگىزۋدە قۇقىق بۇزۋشىلىقتى انىقتادى.

«انىقتالعان قۇقىق بۇزۋشىلىقتاردىڭ كۇردەلىلىگىنە بايلانىستى قارجىلىق باقىلاۋ سالاسىنداعى قۇزىرەتتى ورگانداردى تارتا وتىرىپ، قارجى-شارۋاشىلىق قىزمەتتى نەعۇرلىم كەڭەيتىلگەن تەكسەرۋ قاجەت»، دەدى ناريمان تابىنباەۆ.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار