«پوليتسيانىڭ نەگىزگى مىندەتتەرىنىڭ ءبىرى – قۇقىق بۇزۋشىلىقتى بولدىرماۋ, ونىڭ الدىن الۋ. بۇل جەردە ۋچاسكەلىك پوليتسيا ينسپەكتورلارىنىڭ ماڭىزى زور. مەملەكەت باسشىسى ۋچاسكەلىك ينسپەكتورلاردىڭ مارتەبەسىن ارتتىرۋ تۋرالى تاپسىرما بەردى. ولاردىڭ جۇمىسىن ءتيىمدى ەتۋ ءۇشىن قۇزىرەتىن كەڭەيتىپ, زاڭعا وزگەرتۋلەر ەنگىزىلۋدە», دەدى مينيستر.
ۆەدومستۆو باسشىسىنىڭ ايتۋىنشا, قازىرگى ۋاقىتتا اۋىلداردا ۋچاسكەلىك ينسپەكتورلار جەتىسپەيدى. كەي جەردە 3-4 اۋىلعا ءبىر قىزمەتكەر جاۋاپتى بولىپ ءجۇر.
«وسىعان بايلانىستى, ىشكى رەزەرۆ ەسەبىنەن ۋچاسكەلىك ينسپەكتور كومەكشىسى لاۋازىمىن ەنگىزۋ جوسپارلانىپ وتىر. جەرگىلىكتى اتقارۋشى ورگاندارمەن بىرگە ۋچاسكەلىك پۋنكتتەر سالۋ جوسپارلانۋدا. ءوز اۋماعىنا جاقىن بولۋى ءۇشىن اۋىلدىق جەرلەردە ۋچاسكەلىك پۋنكتەر قىزمەتكەرلەر تۇراتىن ۇيمەن بىرگە سالىنادى. ال قالالاردا تۇرعىن ءۇي كەشەندەرىندە ورنالاسادى», دەدى ەرلان تۇرعىمباەۆ.
