© فوتو : Royal Navy/LPhot Paul Hall
يادرولىق قارۋ قولدانۋعا ارنالعان ۇشاقتىڭ رەسەي شەكاراسىنا جاقىن جەردە مانەۆر جاساۋى رەسەيلىكتەردىڭ شامىنا ءتيىپ كەتسە كەرەك.
«پەنتاگوننىڭ يادرولىق قارۋدى الىپ جۇرە الاتىن Baltops B-52H ۇشاعىمەن مانەۆر جاساۋى كەزەكتى ارانداتۋشىلىق. بۇل ەۋروپاداعى شيەلەنىستى كۇشەيتەدى», دەپ جازىلعان ەلشىلىكتىڭ Twitter-دەگى پاراقشاسىندا.
مۇنداي ارەكەتتەر 16 ماۋسىمدا ۆلاديمير پۋتين مەن دجو بايدەننىڭ جەنەۆاداعى كەزدەسۋى قارساڭىندا «اتموسفەرانى بۇزادى» دەپ ەسەپتەيتىنىن جەتكىزگەن. ەلشىلىك اقش-تى كونتينەنتتەگى قاۋىپسىزدىككە دەگەن كوزقاراستارىن تۇبەگەيلى قايتا قاراۋعا جانە رەسەي شەكارالارى ماڭىنداعى قاۋىپتى ارەكەتتەردى توقتاتۋعا شاقىردى.
ناتو-نىڭ Baltops-2021 جاتتىعۋى بالتىق تەڭىزىندە 6-18 ماۋسىم ارالىعىندا 50-ءشى رەت ءوتىپ جاتىر. وعان ناتو-عا مۇشە 16 مەملەكەت, سونداي-اق شۆەتسيا مەن فينليانديا قاتىسادى.
جيىنعا بارلىعى ءتورت مىڭ اسكەري قىزمەتكەر, قىرىق كەمە, الپىس ۇشاق پەن تىكۇشاق تارتىلعان. وقۋ-جاتتىعۋلار كەزىندە سۋاستى, اۋە قورعانىسى, ميناعا قارسى وپەراتسيالاردى, سونداي-اق ليتۆا جاعالاۋىندا دەسانت اسكەرلەرىن ماشىقتاندىرۋ جوسپارلانعان.
ايتا كەتەيىك, Baltops-2021 1972 جىلدان باستاپ جىل سايىن وتكىزىلىپ كەلەدى.
