تاريح • 10 ماۋسىم، 2021

اباي داستۇرىنە ادالدىق

64 رەت كورسەتىلدى

ابايدىڭ «جيدەباي-ءبورىلى» مەملەكەتتىك قورىق-مۋزەيىندە حالىق جازۋشىسى كامەن ءورازاليننىڭ 101 جىلدىعىنا ارنالعان «اباي داستۇرىنە ادالدىق» اتتى جيىن وتكىزىلدى.

جيىنعا سەمەي قالاسى مەن اباي اۋدانىنىڭ زيالى قاۋىموكىلدەرى، عالىمدار مەن ارداگەر-اقساقالدار قاتىستى. كەلەلى كەزدەسۋدە ءسوز العان پروفەسسور، فيلولوگيا عىلىمدارىنىڭ دوكتورى اراپ ەسپەنبەتوۆ، پروفەسسور زەينوللا توقاەۆ، اباي اۋدانىنىڭ قۇرمەتتى ازاماتى جاقسىبەك ەكىباەۆ جانە اباي مۋزەيءىنىڭ ديرەكتورى تۇردىقۇل شاڭباي كامەن ءورازاليننىڭ ءومىرى مەن شىعارماشىلىق جولىنا كەڭىنەن توقتالىپ ءوتتى.

– كامەن ورازالين اباي  اۋدانىنداعى،  قۇندىزدى  اۋىلىنىڭ  قىلىشبەك  جايلاۋىندا  دۇنيەگە  كەلگەن، -دەدى پروفەسسور، فيلولوگيا عىلىمدارىنىڭ دوكتورى اراپ ەسپەنبەتوۆ، -كەيىنىرەك ءبىلىمىن جەتىلدىرە ءتۇسۋ ء ۇشىن  سەمەي  قالاسىنا  اۋىسىپ،  1936 جىلى  جاڭا سەمەيدەن  7 جىلدىق  مەكتەپتى  اياقتايدى، ودان كەيىن  1939 جىلى  سەمەي  قالاسىنداعى 11 مەكتەپتىڭ  10-شى سىنىبىن ء تامامداپ، ورتا ء بىلىم  الىپ  شىعادى. كامەن اعا مەكتەپتە  وقىپ  جۇرگەندە-اق، باسپا بەتتەرىندە ولەڭدەرى شىعا باستايدى. سەمەي  وبلىستىق  «ەكپىندى»  گازەتىندە  1938 جىلى «كۇزەتتە»  دەگەن  العاشقى  ولەڭى، 1939 جىلى  ابايدىڭ دۇنيەدەن وتكەنىنە 35 جىل تولۋىنا وراي ۇلى اقىنعا ارناعان «دانىشپان اقىن» اتتى ولەڭى باسىلادى. 1939 جىلى  كامەن ورازالين  اسكەر  قاتارىنا  شاقىرىلىپ، كراسنويارسك قالاسىنداعى ء نومىرى 345-ءشى  اتقىشتار  پولكىنىن  جاۋىنگەرى  قاتارىنا  الىنادى. ارىعاراي 1941 جىلى سوعىس باستالىپ، قان مايدانعا اتتانادى. جاستايىنان  اباي ولەڭدەرىڭ  جاتتاپ ء وسىپ،  ونىڭ وسيەتتەرىنەن ۇلگى-ونەگە، ء تالىم  العان  كامەن ءورازاليننىڭ  نەگىزگى باستى  ەڭبەگى - زامانىمىزدىڭ  زاڭعار  جازۋشىسى  مۇحتار اۋەزوۆتىڭ  عۇمىرناماسىنا،  جازۋشىلىق  جولىنا  ارناعان ەپيكالىق شىعارماسى- «ابايدان سوڭ» اتتى   ءىV تومدىق  روماندار  (1972، 1987، 1989، 1995ج.) تەترولوگياسى جانە 1976 جىلى شىققان «اباي اۋىلىنا  ساياحات» اتتى كىتابى شىقتى.

– مۇحتار اۋەزوۆكە «اباي جولى» تاريحي رومان-ەپوپەياسىن جازۋى بارىسىندا كوپتەگەن دەرەكتەردى اباي ەلىنەن ارنايى جيناقتاپ بەرگەن دا ەڭبەگى بار، -دەدى جيىندى ۇيىمداستىرۋشى جۋرناليست، تاريحشى-عالىم راۋشان نۇعمانبەكوۆا،-ال «ابايدان سوڭعى ارىستار» كىتابىندا شاكارىممەن كەزدەسۋى جايلى تەرەڭ  باياندالعان. ۇلىلاردىڭ كوزىن كورگەن  كامەن ءورازاليننىڭ ءومىرى سەمەي قالاسىمەن تىعىز بايلانىستى بولعاندىقتان، مەرەيتوي اياسىندا ءبىز سەمەي قالاسىنان اباي اۋدانىنا شىعا بەرىس جولداعى سەلەۆين كوشەسىن كامەن ءورازاليننىڭ ەسىمىنە بەرۋ تۋرالى ۇسىنىسىمىزدى ايتىپ، قالا باسشىلىعىنا حات جولدادىق.

«اباي داستۇرىنە ادالدىق» جيىنىنا كەلگەن زيالى قاۋىم مەن مۋزەي ۇجىمى اتالعان ۇسىنىستى ءبىراۋىزدان قولدايتىندىقتارىن جەتكىزدى.

 

سوڭعى جاڭالىقتار

قولاعا كوڭىل تولماي تۇر

TOKYO2020 • بۇگىن، 22:13

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار