تاعايىنداۋ • 10 ماۋسىم، 2021

تۇركىستانعا جاڭا اكىم تاعايىندالدى

665 رەت كورسەتىلدى

رەسمي تۇردە تۇركى الەمىنىڭ رۋحاني ورتالىعى رەتىن مويىندالعان تۇركىستان قالاسىنىڭ اكىمى قىزمەتىنە  نۇربول تۇراشبەكوۆ تاعايىندالدى، دەپ حابارلايدى Egemen.kz.

نۇربول ءابدىساتتار ۇلى ماماندىعى بويىنشا ينجەنەر-ەكونوميست. ەڭبەك جولىن ورداباسى اۋدانىندا جەر كاداستر بيۋروسىنان باستاعان. جەر كاداستر سالاسىنداعى قىزمەتى سايرام اۋدانىندا، «وڭتۇستىك قازاقستان جەرگە ورنالاستىرۋ عىلىمي-وڭدىرىستىك ورتالىعى» ەنشىلەس مەملەكەتتىك كاسىپورنىندا باسشىلىق قىزمەتتەرمەن جالعاستى. 2012 جىلى ەلورداداعى «جەرگە ورنالاستىرۋ عىلىمي-وڭدىرىستىك ورتالىعى» رەسپۋبليكالىق مەملەكەتتىك كاسىپورنى باس ديرەكتورىنىڭ ءبىرىنشى ورىنباسارى قىزمەتىنە تاعايىندالعان. 2016 جىلدىڭ ءساۋىر ايىنان باستاپ «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ «جەر كاداسترى عىلىمي-وندىرىستىك ورتالىعى» ديرەكتسياسى ديرەكتورىنىڭ ورىنباسارى، «جەر كاداسترى جانە جىلجىمايتىن م ۇلىكتى تەحنيكالىق تەكسەرۋ» ديرەكتسياسى مەملەكەتتىك جەر كاداسترى باسقارماسىنىڭ باسشىسى لاۋازىمىن اتقارعان. ول 2017 جىلى وڭتۇستىك قازاقستان وبلىسى تۇلكىباس اۋدانىنىڭ اكىمى بولدى.

تۇراشبەكوۆ اكىم بولعان جىلدارى تۇلكىباستا ءبىراز باستامالار قولعا الىندى. اۋدانعا ينۆەستيتسيا تارتۋدا، كاسىپكەرلىكتى دامىتۋدا جەتكەن جەتىستىكتەر وبلىس باسشىلىعى تاراپىنان جوعارى باعالاندى. اسىرەسە، تابيعاتى تاماشا تۇلكىباستا تۋريستىك باعىتتا ءىرى جوبالار جاسالدى. بىلتىر تۇراشبەكوۆ ونەركاسىبى دە، اۋىل شارۋاشىلىعى دا جاقسى دامىعان ورداباسى اۋدانىنىڭ اكىمىقىزمەتىنە اۋىسقان بولاتىن.

تۇراشبەكوۆ وسى جۋىردا عانا وڭىرلىك كوممۋنيكاتسيالار قىزمەتىندە بەرگەن بريفينگىندە ورداباسىدا سوڭعى ءبىر جىلدا اتقارىلعان جۇمىستاردى بايانداپ وتكەن ەدى. سول بريفينگتە ايتىلعان ءبىر-ەكى تسيفرعا توقتالا كەتسەك، اۋداندا ينۆەستيتسيا كولەمى بىلتىرعى ءتيىستى كەزەڭمەن سالىستىرعاندا 2،2 ەسەگە ارتقان. جالپى وڭىرلىك ءونىم كولەمى 22 ميلليارد 834 ميلليون تەڭگەگە جەتىپ، 2020 جىلعى ءتيىستى كەزەڭمەن سالىستىرعاندا 4 ميلليارد 255 ميلليون تەڭگەگە كوبەيگەن. اۋىل شارۋاشىلىعى، كاسىپكەرلىك سالاسىندا دا اۋىز تولتىرىپ ايتارلىق ءوسىم بار. تۇراشبەكوۆتىڭ جۇرگەن جەرىندە رۋحاني، تاربيەلىك ماڭىزى بار شارالارعا دا كوپ ءمان بەرەتىنى ءوڭىردىڭ زيالى قاۋىم وكىلدەرى اراسىندا كوپ ايتىلادى. ياعني، تۇركىستانعا اكىم تاعايىنداۋدا تاڭداۋدىڭ بۇعان دەيىن ەكى بىردەي اۋداننىڭ تىزگىنىن ۇستاعان، ىسكەرلىگى مويىندالعان تۇراشبەكوۆكە ءتۇسۋى بەكەر ەمەس. وبلىس باسشىسى شوكەەۆتىڭ بۇل شەشىمى جالپى كوپشىلىكتىڭ دە كوڭىلىنەن شىعىپ وتىر. جاڭا اكىمدى تانىستىرۋ راسىمىندە ومىرزاق شوكەەۆ:

- تۇركىستان قالاسىنىڭ دامۋىنىڭ ءبىرىنشى كەزەڭى اياقتالىپ، ەكىنشى كەزەڭى باستالدى. وزدەرىڭىزگە بەلگىلى، جاقىندا عانا ءوڭىردىڭ كەشەندى جوسپارى بەكىتىلدى. وندا الداعى 5 جىلدا اتقارىلار جۇمىستار ناقتىلانعان. ونىڭ اياسىندا جۇيەلى تۇردە جۇمىس ىستەۋ كەرەك. تۇركىستاننىڭ كليماتىن وزگەرتۋ جولىندا ماماندار وتە كوپ ەڭبەك ەتۋدە. وسىنى جالعاستىرۋ كەرەك. ەكى جىلدا 400 گەكتار جەر ساياباققا اينالدى. بىرنەشە سۋ ايدىندارى پايدا بولدى. تۇركىستان - تۋعان قالامىز. بۇكىل الەم كوز تىگىپ وتىرعان تۇركى الەمىنىڭ رۋحاني استاناسى. وسىنداي كيەلى مەكەندى باسقارۋ بۇيىرعان جاڭا اكىمنىڭ الداعى جۇمىسىنا ساتتىلىك تىلەيمىز، - دەدى.

 

 

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار