ديدار سماعۇلوۆتىڭ ايتۋىنشا, ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسىنا وراي, العاشقى تەست پەن سوڭعى ناتيجەدە 20 بالدان ارتىق ايىرماشىلىق بولسا, قوسىمشا تەكسەرىس جۇرگىزىلەدى. ال جۇيەنى الداعىسى كەلگەندەر جاۋاپكەرشىلىككە تارتىلادى.
ء«بىز جۇيەنى الداۋعا تىرىسقانداردىڭ بارلىعىن انىقتاپ, تيىسىنشە جازالايمىز! بۇل تەست تاپسىرۋشىلارعا عانا ەمەس, سونىمەن قاتار وڭىرلەردە ۇبت وتكىزۋگە جاۋاپتى قىزمەتكەرلەرگە دە قاتىستى. ءسىزدىڭ ءاربىر قادامىڭىز ءبىزدىڭ باقىلاۋىمىزدا جانە كەز كەلگەن قۇقىقبۇزۋشىلىق ارەكەتتەرگە دەگەن تالپىنىس مۇلدەم اقىلعا قونىمسىز», دەيدى ءبىلىم جانە عىلىم ءمينيسترىنىڭ شتاتتان تىس سىبايلاس جەمقورلىققا قارسى كەڭەسشىسى ديدار سماعۇلوۆ.
ونىڭ سوزىنشە, تۇركىستان وبلىسى تەمىرلان اۋىلىنىڭ تۇلەگى ناۋرىزداعى سىناقتا 37 بالل جيناسا, قورىتىندى تەستىلەۋدە 121 بالل العان. بۇل كۇدىك تۋدىرعان. ناتيجەسىندە تەست قورىتىندىسىن جويۋعا تۋرا كەلگەن. وسى رەتتە سماعۇلوۆ الدا تاعى دا تەكسەرۋلەر بار ەكەنىن, كىنالىلەردى جاۋاپكەرشىلىككە تارتۋ ءۇشىن ماتەريالدار قۇقىق قورعاۋ ورگاندارىنا جىبەرىلەتىنىن ايتتى.
