بقو پوليتسيا دەپارتامەنتىنىڭ ءباسپاسوز قىزمەتىنەن تۇسكەن مالىمەتكە قاراعاندا, وقيعا 9 ماۋسىم كۇنى شامامەن ساعات 19.45-تە ورال-اقساي جولىنىڭ 25-شاقىرىمىندا بولعان. كۇرە جولدا 28 جاستاعى جۇرگىزۋشى «ۆاز-2110» اۆتوكولىگىنىڭ رۋلىنە يە بولا الماي, اۋدارىلىپ قالدى.
جول اپاتى سالدارىنان وبلىستىق پاترۋلدىك پوليتسيا باتالونىنىڭ 28 جاستاعى قىزمەتكەرى اۋرۋحانادا كوز جۇمدى. ونىڭ قاسىندا بولعان ەكى جولاۋشى زارداپ شەككەن جوق.
اتالعان وقيعا بويىنشا قر قك 345-بابى 3-بولىگىنە سايكەس قىلمىستىق ءىس قوزعالىپ, سوتقا دەيىنگى تەرگەۋ امالدارى جۇرگىزىلۋدە. ءتيىستى ساراپتامالار تاعايىندالدى.
بقو پوليتسيا دەپارتامەنتىنىڭ باسشىلىعى مەن جەكە قۇرامى مارقۇمنىڭ تۋما-تۋىسقاندارىنا قايعىسىنا ورتاقتاسىپ كوڭىل ايتادى.
