فوتو اۆتورى: ماكسيم زولوتۋحين
دەنساۋلىق ساقتاۋ سالاسىن تسيفرلاندىرۋ اياسىندا بۇكىل قالا بويىنشا امسك قادامدىق قولجەتىمدىلىگىن انىقتايتىن جۇيە قۇرىلدى. جۇيە ۋچاسكەلىك دارىگەرلەر ناۋقاستارىن ارالاۋ كەزىندە ءوز پاتسيەنتتەرىنە جەتە المايتىن ايماقتاردى انىقتاۋعا مۇمكىندىك بەردى. وسى اقپاراتتىڭ نەگىزىندە سالىناتىن جاڭا ەمحانالار مەن اۋرۋحانالاردىڭ مەديتسينالىق قىزمەتتەرىنىڭ قادامدىق قاشىقتىعى ەسكەرىلىپ, جوبالانادى.
پاندەميا كەزىندە جەكە سەكتوردىڭ قاتىسۋىمەن قالا كۆي ەپيدەمياسىنىڭ تارالۋىن بولدىرماۋعا باعىتتالعان جاڭا جوبالاردى جەدەل جۇزەگە اسىردى. مىسالى, ۇيالى بايلانىس وپەراتورلارىنىڭ دەرەكتەرى نەگىزىندە ادامدار كوپ جينالاتىن ورىنداردىڭ ساراپتاماسى جاسالدى, اۋرۋحانالاردىڭ 1س جۇيەسىنە تىكەلەي ينتەگراتسيالانعان ءدارى-دارمەك قوزعالىسىنىڭ مونيتورينگ جۇيەسى ەنگىزىلدى; مەديتسينالىق قۇرىلعىلاردىڭ جۇمىس مارتەبەسىن انىقتايتىن جوبا جۇزەگە استى.
بۇدان وزگە, پاندەميا كەزىندە تەلەمەديتسينا ورتالىعى ارقىلى كۆي ناۋقاستارىن باقىلاۋدىڭ تولىققاندى جۇيەسى ىسكە استى. كۆي-مەن اۋىرعان قالا تۇرعىندارىنىڭ كوپشىلىگى جۇمىستىڭ «دەيىن» جانە «كەيىن» كەزەڭىندەگى ايىرماشىلىقتاردى سەزىندى. بولاشاقتا وسى تاجىريبەنى سوزىلمالى اۋرۋلارى بار قالالىقتاردى قولداۋ ءۇشىن پايدالانۋ جوسپارلانىپ وتىر.
