ايتا كەتۋ كەرەك, قالا تۇرعىندارى مەن قوناقتارى ءۇشىن ەرەكشە تۋريستىك نىساننىڭ ءبىرى – سايرام تۇرعىن الابىنداعى «بۇركىت» اسكەري-سپورتتىق بازاسى. تۋريستىك ايماقتا شىمكەنت قالاسىنىڭ پاراشيۋتتى سپورت فەدەراتسياسىنىڭ بازاسى جۇمىس ىستەيدى. تاياۋدا باق وكىلدەرى, تۋريستىك ۇيىم وكىلدەرى جانە جاستاردىڭ قاتىسۋىمەن سپورتتىق بازادا «Media Camp» شاراسى ۇيىمداستىرىلعان بولاتىن. وعان قالالىق تۋريزم جانە سىرتقى بايلانىس باسقارماسى, Tourizme centre جانە «Online gid» كومپانيالارى اتسالىسقان ەدى.
بۇگىندە «بۇركىت» اسكەري-سپورتتىق بازاسىنا كەلۋشىلەر سانى ارتقان. بۇل رەتتە ەكسترەمالدى سپورتتىڭ جانكۇيەرى جانسايا سارسەنبەك ءوزىنىڭ اسەرىمەن ءبولىستى.
- جۋىق ارادا الەۋمەتتىك جەلىلەر ارقىلى قالامىزدا وسىنداي سپورتتىق بازانىڭ بار ەكەنىن ءبىلدىم. لەزدە سالا وكىلدەرىمەن بايلانىسقا شىعىپ, الدىن-الا دايىندىق تىزىمىنە جازىلدىم. مۇندا پاراشيۋتپەن سەكىرۋ باعاسى – 21 مىڭ تەڭگە. ادامنىڭ سالماعىنا قاراي, قۇنى دا ارتا بەرەدى. مىسالى, 90 كەلىدەن جوعارى بولسا, قىزمەتى دە قىمباتتاي تۇسەدى. نۇسقاۋشىلاردىڭ 5 ساعاتتىق ازىرلىگىنەن سوڭ 1000 مەتر بيىكتىكتەن سەكىردىم. بۇل اسەر مەنىڭ جادىمدا ۇزاق ساقتالارى انىق, - دەيدى جانسايا سارسەنبەك.
سالا وكىلدەرىنىڭ ايتۋىنشا, دەمالىس ايماعىندا كەلۋشىلەر تەك پاراشيۋتپەن سەكىرىپ عانا قويمايدى, سونداي-اق اۋە كەڭىستىگىندە تۋعان كۇن كەشتەرىن تابيعاتى كوز تارتار ورىندا وتكىزۋگە بولادى.
