تۇرعىندار تاۋاردىڭ بار-جوعىن انىقتاماستان قارجىسىن الاياقتاردىڭ ەسەپشوتىنا اۋدارا سالادى. كەيىن وپىق جەپ, پوليتسيانىڭ كومەگىنە جۇگىنۋىنە تۋرا كەلەدى. ينتەرنەت-الاياقتىقتىڭ ءبىر ەرەكشەلىگى قىلمىسكەرلەر ەل اۋماعىندا عانا ەمەس, ودان تىسقارى جەردە وتىرىپ قىلمىستىق ءىس-ارەكەتىن ىسكە اسىرا بەرەدى.
ماسەلەن, رەسەي فەدەراتسياسى اۋماعىندا الاياقتار «Kolesa.kz» ينتەرنەت-سايتىندا اۆتوموبيلدەردى نارىقتىق باعادان تومەن باعاعا ساتۋ تۋرالى جارناما ورنالاستىرعان. جەڭىلدىكپەن كولىك الۋعا نيەتتەنگەن بقو تۇرعىندارى جالعان جارناماعا سەنەمىز دەپ الدانىپ قالعان.
1 ماۋسىم مەن 9 ماۋسىم ارالىعىندا بەلگىسىز تۇلعا «Kolesa.kz» سايتى ارقىلى «Lada Priora» ماركالى اۆتوكولىگىن 623 000 تەڭگەگە قولجەتىمدى باعادا ساتىلاتىنى تۋرالى جارناما ورنالاستىرعان. ورال قالاسىنىڭ تۇرعىنى بۇل اقپارعا سەنىپ, قر-عا تىركەلمەگەن ابونەنتتىك نومىرگە «WhatsApp» مەسسەندجەرى ارقىلى حابارلاما جولداعان. سودان كەيىن ۇزاق اڭگىمەلەسۋ كەزىندە بەلگىسىز بىرەۋ رەسەي فەدەراتسياسىنىڭ اۋماعىنان اۆتوكولىكتى تىكەلەي جەتكىزىپ ءارى قايتا تىركەپ بەرەمىن دەگەن سىلتاۋمەن سەنىمگە كىرۋ ارقىلى 600 000 تەڭگە كولەمىندەگى قاراجاتتى يەمدەنىپ العان. قازىرگى تاڭدا قر قك 190 (الاياقتىق) بابىنا سايكەس قىلمىستىق ءىس قوزعالدى.
مۇنداي وقيعاعا تاپ بولماس ءۇشىن بقو پد تۇرعىنداردىڭ ينتەرنەت پلاتفورمالاردا ورنالاسقان اقپاراتتارعا مۇقيات زەر سالۋلارىن سۇرايدى.
